Շուրջ 363 զորակոչիկների տվյալներ ուղարկվել են իրավապահ մարմիններին. Դատախազություն

Երկու տարի առաջ Պաշտպանության նախարարությունը նախաձեռնել էր  ուսումնասիրել նախկինում տրված բոլոր տարկետումները: «Խոսքը բոլոր տարկետումների մասին է՝ անկախ նրանից` պաշտոնյայի զավակ է, պաշտոնյայի զավակ չէ, աչքի ընկնող բիզնեսմենի տղա է, թե ոչ»,- այս մասին լրագրողների հետ հանդիպման ժամանակ հայտարարել է ՀՀ պաշտպանության նախարարի խորհրդական Գեղամ Հարությունյանը: Նա հույս է հայտնել, որ ուսումնասիրությունների արդյունքները տեսանելի կլինեն հանրության համար։

Օրեր առաջ «Իրավունք» թերթը գրավոր հարցմամբ դիմել էր ՊՆ, ուղղելով հետևյալ հարցերը,

1. Կա՞ն արդեն ուսումնասիրություններ եւ բացահայտումներ նախկին պաշտոնյաների զավակների հետ կապված վերոնշյալ գործընթացից:
2. Կարո՞ղ եք մեզ տրամադրել ցուցակը:
3. Եթե կան այդպիսիք, արդյո՞ք կան հարուցված քրեական գործեր:
4. Եվ արդյո՞ք ուսումնասիրվում է միայն նախկին պաշտոնյաների զավակներին վերաբերող մանատիպ գործերը, իսկ ներկա պաշտոնյաների երեխաների, կամ հենց իրենց հետ կապված եւս ուսումնասիրություններ եք կատարում, եթե հաշվի առնենք, որ այպիսիք քիչ չեն:

Նախարարությունը մեր հարցմանն ի պատասխան նշել էր, որ հարցրերին ավելի սպառիչ պատասխաններ կարող են տալ զինվորական դատախազությունն ու ՀՔԾ-ն:

«Իրավունք» թերթը նաև դիմեց զինվորական դատախազություն, ուղղելով վերոնշյալ հարցերը.

Օրեր անց, ի պատասխան մեր հարցմանը, դատախազությունից ստացանք հետևյալ պատասխանը.

ՀՀ զինվորական դատախազին հասցեագրված Ձեր 28.07.2020թ. հարցման կապակցությամբ հայտնում եմ, որ ՀՀ զինվորական կենտրոնական դատախազության աշխատանքի ծրագրի համաձայն` յուրաքանչյուր զորակոչից հետո ուսումնասիրություններ են կատարվում և ամփոփվում են զորակոչի կազմակերպման և անցկացման ընթացքում թույլ տրված խախտումների առթիվ ձեռնարկված դատախազական ներգործության արդյունքները, ինչպես նաև զորակոչի ընթացքում «Զինվորական ծառայության և զինծառայողի կարգավիճակի մասին»/նախկինում` «Զինապարտության մասին»/, «Այլընտրանքային ծառայության մասին», «Սահմանված կարգի խախտման պարտադիր զինվորական ծառայության չանցած քաղաքացիների մասին» /չի գործում/ ՀՀ օրենքների պահանջների կատարման վիճակը և այդ ոլորտում կատարված դատախազական աշխատանքները: Տեղեկացնում եմ, որ վերոհիշյալ ուսումնասիրությունները կրում են ընդհանուր բնույթ, այդպիսիք ընդգրկվում են նշված օրենքներով կարգավորվող ոլորտները, ուսումնասիրվում են օրենքով նախատեսված տարբեր հիմքերով տարկետումներ ստացած, ծառայությանը ոչ պիտանի ճանաչված զորակոչիկների անձնական գործերն առանց բացառության, հետևաբար ուսումնասիրվում են նաև նախկին և ներկա պաշտոնատար անձանց կամ նրանց զավակների անձնական գործերը: Զինվորական դատախազության կողմից իրականացված ուումնասիրությունների արդյունքում շուրջ 363 զորակոչիկների տվյալներ ուղարկվել են իրավապահ մարմիններին` օպերտիվ-հետախուզական միջոցառումների իրականացմամբ այդ զորակոչիկների առողջական վիճակի վերաբերյալ որոշումներ կայացնելու գործընթացում թույլ տրված հնարավոր կոռուպցիոն դրսևորումները ստուգելու և բացահայտելու համար, որոնց թվում եղել են նաև Ձեր գրությամբ նշված որոշ անձանց տվյալները: Ձեռնարկված օպերատիվ-հետախուզական միջոցառումների րդյունքում ձեռք բերված և ՀՀ զինվորական դատախազության տրամադրված տվյալների հիման վրա, քրեական գործ հարուցելու օրինական առիթի և բավարար հիմքերի առկայությամբ, հարուցվել են 6 քրեական գործեր: Նկատի ունենալով, որ հարուցված քրեական գործերով նախաքննությունը շարունակվում է, ուստի «Տեղեկատվության ազատության մասին» ՀՀ օրենքի 8-րդ հոդվածի 1-ին մասի 3-րդ կետի համաձայն` հայցվող տեղեկատվությունը հրապարակման ենթակա չէ: Հարգանքով` ՀՀ գլխավոր դատախազի խորհրդական Գոռ Աբրահամյան:

Ի դեպ, ինչ վերաբերում է ՀՔԾ-ին, ապա մեր հարցմանն ի պատասխան նշեցին, որ վերոնշյալ գործառույթն իրենց չի վերաբերում:

Հայկ Գևորգյան 

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան