Ինչպե՞ս «անտեսել» տղամարդուն, որպեսզի նա միայն ձեր մասին մտածի

Ի՞նչ են մտածում ուժեղ սեռի ներկայացուցիչներն այն կանանց մասին, ովքեր ուշադրություն չեն դարձնում իրենց վրա:

Անտեսելը վտանգավոր զենք է, որը սխալ ձեռքերում կարող է վերջ տալ բոլոր հարաբերություններին և առաջացած համակրանքին, իսկ մյուսների մոտ՝ բոցավառել ու պահպանել հետաքրքրությունը կնոջ նկատմամբ: Ինչպե՞ս գտնել այդ սահմանագիծը: Մի կողմից ցանկանում ես, որ տղամարդը մագնիսի նման ձգվի դեպի քեզ, իսկ մյուս կողմից՝ ավելորդ ջանքերը կարող են ավիրել ամեն ինչ:

Հարկ է նշել, որ գործողությունների ալգորիթմը կախված կլինի նրանից, թե ինչպիսի հարաբերությունների մեջ եք արդեն գտնվում: Այսինքն՝ դուք վերջե՞րս եք ծանոթացել, թե երկար ժամանակ հարաբերությունների մեջ եք: Յուրաքանչյուր դեպքում գործողությունները տարբեր կլինեն: Համաձայնեք, տարօրինակ կդիտվի, եթե մի քանի ժամադրությունից և միմյանց նկատմամբ փոխադարձ հետաքրքրություն դրսևորելուց հետո, դադարեք պատասխանել զանգերին և SMS հաղորդագրություններին:

Կարևոր է իմանալ, որ անտեսումը լավագույն զենքը չէ ձեր երկրորդ կեսի սերուն և ջերմությանը հասնելու համար:

Լռությունն ու անտարբերությունը շատ դեպքերում տղամարդկանց կողմից դիտվում են որպես համակրանքի և անտարբերության բացակայություն: Այն կարծիքը, որ տղամարդիկ սիրում են դժվարություններ և պատրաստ են պայքարել մինչև վերջ, որպեսզի նվաճեն իրենց դուր եկած կնոջը, հնացած է: Այս համոզմունքներով են, որ ապրում են նաև «ձյունե թագուհիները», որոնք ակնկալում են, որ իրենց պետք է նվաճել, հասնել և տեսնել՝ հաղթահարելով սառցե ժայռերը: Ժամանակակից աշխարհում ամեն ինչ դարձել է ավելի պարզ և արագընթաց. եթե կինը փոխադարձ հետաքրքրություն է ցուցաբերում, ապա տղամարդը սկսում է հոգ տանել, եթե նա փշեր է ցույց տալիս, ապա «ասպետը» արագ կորցնում է հետաքրքրությունը:

Թեթևակի անտարբերության մարտավարությունը կարող է կիրառվել միայն այն փուլում, երբ տղամարդը գտնվում է սիրահարված վիճակում և արդեն կատարել է իր ընտրությունը:

Այդ պարագայում, աննկատելիորեն, կարող եք որոշ ժամանակ զբաղված լինելով որևէ գործով՝ մոռանալ պատասխանել զանգին, բաց թողնել անհարմար հաղորդագրությունը կամ չպատասխանված զանգի դեպքում անհապաղ հետ չզանգահարել: Նաև՝ մի շարք այլ փոքրիկ կանացի գաղտնիքներ:

1. Մի տարալուծվեք տղամարդու մեջ և թույլ մի տվեք նրան ունենալ ձեզ լիովին տիրանալու զգացում:

Տեղ թողեք ձեր հետաքրքրությունների, գործերի և նախասիրությունների համար: Տեսնելով, որ դուք միշտ անելիք ունեք և չեք հրաժարվում ամեն ինչից, որպեսզի հանդիպեք իր հետ, նա կձգտի դեպի ձեզ: Դա նրա մեջ կարթնացնի նաև որսորդի բնազդը, և կցանկանա անել հնարավոր ամեն ինչ, որպեսզի դուք առավելագույնս շատ ժամանակ անցկացնեք իր հետ:

2. Շատ հաճախ սիրահարված կինն անում է ամեն ինչ` երկրպագության օբյեկտին գոհացնելու համար:

Եվ փոխանակ նախաձեռնությունը ստանձնի տղամարդը, կինն ինքն է դա անում: Դերերը փոխվում են, և ժամանակի ընթացքում տղամարդու համար անհետաքրքիր է դառնում: Ցույց տվեք ձեր համակրանքը, փոխադարձությունը, բայց ձեր գործերը պետք է առաջին տեղում պահեք, այնպես, որ խաղի կանոնները ձեր ձեռքում լինեն, և ոչ թե զարգանան ըստ նրա սցենարի:

3. Խաղի և կոկետության տարրերը նույնպես չեղարկված չեն:

Դուք միշտ կարող եք կապի մեջ լինել կամ ամեն օր միմյանց մաղթել բարի գիշեր, բայց մի օր փոխեք վարքի սովորական ձևը: Հաճախ SMS-ի կամ երկար սպասված զանգի բացակայությունը ստիպում է, որ մյուս կեսը անհանգստանա և մտածի դրան նպաստող պատճառների մասին: Իսկ դուք, կարծես, ոչինչ էլ չի պատահել, կարող եք ասել, որ զբաղված էիք շատ կարևոր գործով: Սա հաճախ խթանում է տղամարդկանց հետաքրքրությունը ձեր հանդեպ, կարևորն այն է, որ դրանք հաճախակի չլինեք և չափը չանցնեն:

Այս թեմայով Մուրը ոչ միայն Mi6-ի ղեկավարն է, այլև ուկրաինա-ռուսական հակամարտության ճարտարապետը. Ինչ է նշանակում նրա հեռանալը Լավ նշան է, որ ռուսները վերջապես մտածում են պատերազմն ավարտելու մասին․ Զելենսկին՝ Պուտինի առաջակի մասին Հեռու չէ, տարածքում է. Էքստրասենսը նոր բացահայտում է անում Հռոմի նորընտիր պապի եղբայրը պատմել է նրա մանկության սիրելի խաղի մասին Էսօր ու միշտ հիշում ենք քեզ… Հայտնիների գրառումները` երջանկահիշատակ Գևորգ Եղիազարյանի մասին