Շատ տխուր, վտանգավոր ժամանակներ ենք ապրում. ՆԱՆԵ

Այսօրվա iravunk.com-ի զրուցակիցն է գրող՝ բանաստեղծուհի, հրապարակագիր, արձակագիր, ՀԳՄ անդամ, նկարիչ,  ՀՆՄ պատվավոր անդամ ՆԱՆԵՆ:

 Թեման՝ հանրակրթական դպրոցի ծրագրերային փոփոխության տիրող աղմուկն է:

 Շատ քչերն են համաձայն, որ դպրոցական դասագրքերում ավելացնեն նոր հեղինակների, որովհետև նրանց ստեղծագործործություններում արժեք չեն տեսնում: Անգամ ԵՊՀ-ի բանասիրական ֆակուլտետի դասախոսական անձնակազմը մերժում է այն ծրագիրը, որոնցով պատրաստվում են դասավանդել դպրոցում:

-Ի՞նչ չափորոշիչներով են ուղղորդվել ընտրելով հեղինակներին:

-Չափորոշիչների համար ամենակարևորը ի վերուստ օժտվածությունն է և արժեքային ճիշտ համակարգը: Միայն ճիշտ արժեքները չկորցնելով մենք կարող ենք մեր վաղվա օրը, մեր մատաղ սերունդը, մեր մանուկներին, երիտասարդներին չկորցնել: Եվ Աստծո առաջ էլ մեծ մեղք է դեռ չկազմավորված հոգիներին՝ սկսած մանկապարտեզից և հետո դպրոցում, դեռահաս տարիքում գայթակղելը: Չարի, անկումի արժեքներ սերմանելով՝ նրանց մեջ ուղղակի կարելի է ջնջել մարդը: Եթե  ուղղորդողը չարի արժեքներն են, մարդուց ոչինչ չի մնա:

-Անդրադառնանք եկեղեցու պատմություն առարկային: Այսօր, երբ հանեցին եկեղեցու պատմությունը դպրոցական դասագրքերից միացրեցին պատմության հետ, դա ևս ծրագի՞ր էր:

-Միանշանակ, հավատն ու մեր առաքելական եկեղեցին հայոց գոյատևության ամենկարևոր հիմնասյուներից են:  Առանց պետության հնարավոր է ապրել և…ապրել ենք, որովհետև չենք կորցրել մեր հավատը, որովհետև խմբվել ենք մեր Եկեղեցու շուրջ, որովհետև ՛՛Հայր մեր՛՛-ով է մեր օրը բացվել: Մեզ շատ հզոր երկրներ չեն հանդուրժում նաև հենց այն պատճառով, որ ողջ աշխարհում առաջինն ենք պետականորեն քրիստոնեություն ընդունել: Իսկ մենք արդեն հավատի դեմ ենք գործում, կարծես քիչ էին խորհրդային անաստված տարիները: Միայն թե, այս անգամ աթեիզմից ավելի սարսափելին են մարդկության համար պատրաստում գլոբալիստները՝ սատանիզմ… Չնայած, եթե Աստծունը չես, արդեն չարինն ես:

-Ի՞նչ կմաղթեք  երիտասարդ գրողներին:

-Շատ տխուր, վտանգավոր  ժամանակներ ենք ապրում և պետք է գիտակցված անցնել այդ ճանապարհը: Առանց ճանաչելու այսօրվա վտանգները՝ անհնար է առաջ գնալ: Կմաղթեի, որ այսօրվա գրողներն ապրեն հայրենիքի զինվոր լինելու գիտակցությամբ, և իրենց գրչով, իսկ երբ պետք է՝ զենքով նաև, ազգի ու հայրենյաց պահապաններ դառնան:

Նունե Զաքարյան

Հ.Գ. Զրույցի շարունակությունը կարդացեք «Իրավունք» թերթի վաղվա համարում

Այս թեմայով Հրաժարականը մոտ է, Նիկոլ Փաշինյանը մարզերում նույնպես չունի իշխանություն. Նանե Կարապետյան Բարեփոխման անվան տակ՝ լեգիտիմացնում են որոշակի համալսարանների փակումը. Նանե Կարապետյան Երանի կյանքում էլ դառը վիճակները հնարավոր լիներ այդպես հեշտ ջնջել, վրձնի մի քանի հարվածով իմաստափոխել, երանգափոխել.ՆԱՆԵ «Պատերազմը չի վերջացել` յուրաքանչյուրս հայոց սահմանին կանգնած զինվորի հոգեբանությամբ պետք է ապրենք».ՆԱՆԵ   Եթե լավին տեր ես, ապա պետք է վատին էլ տեր լինես. Արմեն Սողոյան