Առաջնագծում՝ զոհվելուց մեկ շաբաթ առաջ էր իմացել, որ հայր է դառնալու, անհամբերությամբ սպասում էր տուն վերադարձին

Հուլիսի 27-ին, ժամը 01.10-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում հակառակորդի՝ դիպուկահար հրազենից արձակած կրակոցից մահացու հրազենային վիրավորում էր ստացել պայմանագրային զինծառայող Աշոտ Գևորգի Միքայելյանը, ով հետմահու  ՀՀ նախագահի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով: Նշենք, որ Աշոտ Միքայելյանը Վանաձոր քաղաքից էր, Ապրիլյան քառօրյա պատերազմի մասնակից:

Իսկ  ի՞ նչ նպատակներ ու երազանքներ ուներ, ե՞ րբ է իմացել, որ հայր է դառնալու <<Իրավունքի>> հետ զրույցում պատմել է հերոսի եղբոր կինը՝ Վարսիկ Քոչարյանը, 

- Աշոտի մասին անցյալով խոսելը չափազանց դժվար է…Աշոտը շատ ուրախ, կյանք սիրող մարդ էր, ընկերասեր, հարենասեր էր վերին աստիճանի, հայրենիքն ու ընտանիքը նրա համար առաջային էին այս կյանքում: Հումորի մեծ զգացումով օժտված մարդ էր Աշոտը,  չէր սիրում, որ կողքին տխուր մարդիկ էին լինում, ամեն ինչ անում էր, որ շուրջբոլորը ժպտան: Ցանկացած հարցի հումորով, ժպիտով էր պատասխանում:

Հերոսի եղբոր կինը հիշեց, թե երբ են խոսել վերջին անգամ Աշոտի հետ.

- Վերջին անգամ Աշոտը խոսել է կնոջ եւ եղբոր հետ: Չորս օրից իջնելու էր պոստերից, պլանավորում էինք, որ օգոստոսի քսանվեցին մեծ ծննունդ ենք անելու Աշոտի համար: Կինն արդեն տորթ էր ընտրել, որ Աշոտի ծննդյան օրը իր ձեռքով պատրաստեր: Չնայած լարված իրավիճակին Աշոտը երբեք խուճապի մեջ չի եղել, ինքն էր առաջնագծում, բայց միշտ մեզ էր հանգստացնում: Տեսնում էինք, լսում էինք, որ առաջնագծում լարված էր, բայց Աշոտը միշտ նույն պատասխանն էր տալիս. <<Սաղ լավ ա լինելու Ձեր ցավը տանեմ, ես առաջնագծում եմ՝ եղբայրս թիկունքում, իրար հետ մենք ուժեղ ենք>>:

Անդրադառնալով Աշոտի հայրիկ դառնալուն՝ եղբոր կինը խորը շունչ քաշելով ասաց.

-Առաջնագծում՝ զոհվելուց մեկ շաբաթ առաջ էր իմացել, որ հայր է դառնալու: Ուրախությանը չափ ու սահման չկա, անհամբերությամբ սպասում էր տուն վերադարձին: Շատ երազանքներ, նպատակներ ուներ, որ պետք է տուն կառուցի, շատ երեխաներ ունենա, բայց երազանքները այդպես էլ երազանքներ մնացին, ցավոք…

Զրույցը՝ ԻԼՈՆԱ ԱԶԱՐՅԱՆԻ

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ