Ապրիլյան պատերազմը դասագրքերում լուսաբանելու համար մեզ մեղադրում է 2 պատգամավոր, նման բան մենակ թուրքը կաներ. պատմաբան

News.am-ը գրում է

Այլանդակություն եւ սրբապղծություն է, երբ ապրիլյան պատերազմը դասագրքերում լուսաբանելու համար մեզ մեղադրում են, այն էլ Ազգային ժողովի 2 պատգամավոր, 2 պատմաբան եւ 1 պետական գործիչ: Այսօր՝ օգոստոսի 3-ին, լրագրողների հետ հանդիպմանը նման կարծիք հայտնեց ԵՊՀ հայոց պատմության ամբիոնի վարիչ Արտակ Մովսիսյանը՝ անդրադառնալով 2017 եւ 2019 թվականներին հրատարակված աղմկահարույց «Պատմության ուսուցումը Թուրքիայի և Հայաստանի դպրոցներում. քննադատություն և այլընտրանքներ» գրքին, որի հեղինակներից են նաեւ ներկայիս իշխանական պատգամավորներ Մարիա Կարապետյանն ու Սոս Ավետիսյանը, Միգրացիոն ծառայության պետ Արմեն Ղազարյանը:

«Այդ գրքում մասնավորապես ասվում է, մեջբերում եմ. «Ազգային ազատագրման այս պատմությունը հագեցած է միլիտարիզմի գաղափարախոսությամբ, զարմանալի է արագությունը, որով դասագրքի բովանդակությունը կլանում է ռազմատենչ բովանդակություն: Խոսքն այն մասին է, որ Լեռնային Ղարաբաղի հակամարտության գոտում 2016թ. ապրիլյան սրացումից ընդամենը մի քանի ամիս անց դասագրքերում ներառել ենք 2 էջանոց պատմվածք, որն ավարտվում է հետեւյալ արտահայտությամբ՝ Արցախյան պատերազմի այս փուլն ապացուցեց, որ հայ ժողովուրդն իր համախմբվածությամբ, զինվորի եւ բանակի կողքին կանգնելու պատրաստակամությամբ անպարտելի է եւ պատրաստ է միշտ ինքնակազմակերպվելու, զինվորագրվելու հայրենիքի պաշտպանության սուրբ գործին: Հիմա տեսեք՝ մեղադրանք հայ հեղինակներին, որ էնքան միլիտարիստ ենք, որ ապրիլյան պատերազմից հետո սեպտեմբերին լույս տեսնող դասագրքերում լուսաբանել ենք այն: Այսպիսի բան մենակ թուրքը կանի, բայց սրա տակ հայերն էլ են ստորագրել: Հասկանում եք՝ մեզ սրա համար մեղադրում է 2 պատգամավոր, պետական պաշտոնյա, 2 պատմաբան»,- ասաց Արտակ Մովսիսյանը:

Նշենք, որ պատմաբանները ահազանգում են, որ Հայոց պատմության դասագրքերի չափորոշիչների մշակման հետևում կասկածելի թիմ է կանգնած: «Հայոց պատմություն», «Համաշխարհային պատմություն», «Հասարակագիտութուն» առարկաների դասավանդման համար ներկայացված նոր չափորոշիչները մշակած խմբի ղեկավարը Լիլիթ Մկրտչյանն է, որը պարզվում է՝ նաեւ 2017 եւ 2019թթ. հրատարակված «Պատմության ուսուցումը Թուրքիայի և Հայաստանի դպրոցներում. քննադատություն և այլընտրանքներ» գրքի հեղինակներից է: Հետաքրքիր է, որ գիրքն այսքան ժամանակ գաղտնի է պահվել:

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար