Կրթական չափորոշիչների շուրջ կա երկու աղմուկ՝ իրական և ձևական-ՎԱՀՐԱՄ ԹՈՔՄԱՋՅԱՆԻ մամուլի ասուլիսը

Այսօր «Արարատ» մամուլի ակումբում տեղի ունեցավ ուսուցիչ, պատմաբան, կրթություն և համերաշխություն արհմիության նախագահ  ՎԱՀՐԱՄ ԹՈՔՄԱՋՅԱՆԻ  մամուլի ասուլիսը: 

 Թեման՝ կրթական համակարգի հիմնախնդիրներն էին:

Անդրադառնալով կրթական չափորոշիչների շուրջ աղմուկին պարոն Թոքմաջյանն ասաց.

«Կա երկու աղմուկ՝ իրական և ձևական:  Այն ինչ կատարվում է առարկայական չափորոշիչների շուրջ դա ձևական աղմուկն է, և ինչ որ տեղ սերնդային պայքար: Բայց սա գալիս է լիգիտիմացնելու մի բան, որը ոչ լիգիտիմ է:»:

 Այնուհետև անդրադառնալով «Հայ գրականություն» առարկայի հեղինակների ընտրության հարցին նա  ասաց.  «Տեսեք, թե քանի հրատարակչություններ կան Հայաստանում: Շատ չէ՞: Ու ամեն մեկը ժամանակակից գրողների գրքեր է  տպում: Մեկի պապան է հարուստ, աղջիկը մանկուց երազել է պոետ դառնալ՝ ինչ որ ախմախ մտքեր է շարադրում,  փողը տալիս են բիզնես են անում և այլն….

Եթե այդպես նայենք պետք է երկու-երեք  հարյուր մարդու  սկսենք քննարկե՞լ սկսած անձնականից վերջացրած գրածի բովանդակությամբ: Այդտեղ լուծումներ շատ կան: Թող մասնագետները որոշեն: Ես նույն հաջողությամբ կարող եմ կարդալ, թե Արամ Պաչյան, թե Հուսիկ Արա, թե Մհեր Արշակյան: Կոռեկտ չի լինի նրանց մասին ինչ որ բամբասանքներ տարածել, պիտակավորել»:

Այնուհետև պատասխանելով iravunk.com-ի այն հարցին, թե

ինչպե՞ս կմեկնաբանեք, որ գրական արժեք ունեցող հեղինակների գործեր կան, որոնք ներառված չեն դպրոցական ծրագրերում նա պատասխանեց.

 «Խորհրդային միության օրոք մի հեղինակ կար՝ Ազատ Վշտունի: Ես իր բանաստեղծություններից մի քանիսը կարդացել եմ:  Կոմունիստական հասարակարգում նա արժեվորված գրող էր: Ազատ Վշտունին դպրոցական ծրագրի պարտադիր բաղադրիչն էր կազմում: Նոր անկախ սերունդը նրան չգիտի: Շատ դժվար է ունենալ սահմանում, որն է դասականը, և որն է համարվում արժեքավոր: Մենք կարող ենք համարել արժեք՝ «Ամեն գրքի մեջ մի պիտանի բան»: Կարող ենք հազարից ավելի հեղինակ համարել արժեք: Բայց մենք  երեխային հարցրե՞լ ենք: Մե՞ղք չի այդ երեխան: Օրինակ՝ մեզ դպրոցում չէին պարտադրում կարդալ արկածային գրադարան շարքը, բայց մենք կարդում էինք: Այսինքն՝ խնդիրը ոչ թե պարտադրել, որ երեխան անպայման  պետք է սա կարդա, այլ նրա մեջ արթնացնել սեր դեպի ընթերցանությունը»:

Նունե Զաքարյան

Հ. Գ- Մանրամասները դիտեք տեսանյութում

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ուկրաինայի շուրջ ստեղծված իրավիճակը տանում է դեպի զանգվածային ոչնչացման զենքի կիրառում. Թաքեր Կարլսոն ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով