Թրամփի խորհրդականը հայտարարել Է, որ Ռուսաստանը կվճարի «թալիբների հետ դավադրության համար»

ԱՄՆ նախագահի ազգային անվտանգության հարցերով խորհրդական Ռոբերտ Օ' Բրայենը հայտարարել է, որ եթե Ռուսաստանի կողմից թալիբներին տրվող վճարումների մասին հաղորդագրությունները հաստատվեն, ապա Մոսկվան դրա համար կվճարի: «Եթե Աֆղանստանում ամերիկացիների նկատմամբ Ռուսաստանի չարամիտ գործունեության մասին վերջին հաղորդագրությունները ճշմարիտ լինեն, Ռուսաստանը փորձի համաձայն գիտի, որ նա որոշակի գին կվճարի, նույնիսկ եթե այդ գինը երբեք հանրության սեփականությունը չդառնա»,- «The Washington Post»-ի հրապարակած իր հոդվածում հայտնել Է Օ' Բրայենը:

Ավելի վաղ «The New York Times» թերթը, վկայակոչելով ամերիկացի անանուն պաշտոնյաներին, հայտնել էր, որ ռուսական ռազմական հետախուզությունն իբր «Թալիբանի» գրոհայիններին պարգեւատրում է առաջարկել՝ Աֆղանստանում ամերիկացի զինծառայողների վրա հարձակումների համար: Պարբերականի տեղեկություններով՝ դա, իբր, տեղի է ունեցել աֆղանական հակամարտության խաղաղ կարգավորման բանակցությունների թեժ շրջանում։

Օ' Բրայենը նաեւ խոսել է Ռուսաստանի եւ ԱՄՆ-ի պոտենցիալ համագործակցության ոլորտների մասին: Դա, նրա կարծիքով, Չինաստանի մասնակցությամբ սպառազինությունների վերահսկման եռակողմ համաձայնագիրն է եւ ահաբեկչության դեմ պայքար: «Հունիսին ԱՄՆ-ն Ռուսաստանի հետ բանակցություններ է սկսել Ռազմավարական հարձակողական սպառազինության վերահսկողության վերաբերյալ նոր համաձայնագրի շուրջ։ Միացյալ Նահանգները զգուշավոր լավատեսություն է ցուցաբերում այն հարցում, որ մենք կարող ենք համաձայնության հասնել Մոսկվայի եւ Չինաստանի հետ՝ սպառազինությունների վերահսկողության ուղղությամբ, որն ուղղված է բոլոր տեսակի միջուկային զենքի ստուգման ենթակա սահմանափակումներին»,- գրել Է խորհրդականը:

Նա հավելել է, որ հուլիսի 23-ին ԱՄՆ-ի նախագահ Դոնալդ Թրամփը եւ Ռուսաստանի նախագահ Վլադիմիր Պուտինը զրույց են անցկացրել, որի ընթացքում երկու ղեկավարները խոստացել են բոլոր ջանքերը գործադրել համաձայնագիրը երկարացնելու եւ այն ավելի լավը դարձնելու համար: 

«Ռուսաստանի հետ պոտենցիալ համագործակցության եւս մեկ ուղղություն ահաբեկչության դեմ պայքարն է։ Թե Ռուսաստանը, թե Միացյալ Նահանգները ագրեսիվ ծայրահեղականների կողմից հարձակման են ենթարկվել իրենց հայրենի հողերի վրա։ Ամերիկացի պաշտոնատար անձինք, հավանաբար, կհամագործակցեն հետախուզության գծով իրենց ռուս գործընկերների եւ իրավապահ մարմինների հետ այդ հարցերի շուրջ առաջիկա ամիսներին»,- նշել է Օ' Բրայենը:

Ամփոփելով՝ ԱՄՆ նախագահի խորհրդականը հայտարարել է, որ Թրամփն այնպիսի ուղի է փնտրում ԱՄՆ-ի եւ ՌԴ-ի հարաբերություններում, «որի համաձայն՝ Ռուսաստանը ձեռնպահ պետք է մնա արտասահմանում ագրեսիայից եւ բարեկամական գործընկեր դառնա Միացյալ Նահանգների եւ Եվրոպայի համար: Նման աշխարհում Ռուսաստանի դեմ պատժամիջոցներն ավելորդ կլինեին, իսկ մեր երկրների միջև առևտուրը կբարգավաճեր։ Ռուսները, ամերիկացիներն ու ամբողջ աշխարհը կշահեին նման հարաբերություններից»,- եզրափակել է նա ։

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար