Արցախում մոլիբդենի խտանյութի արտադրություն կսկսվի

Արցախի Հանրապետության նախագահ Արայիկ Հարությունյանը նախօրեին այցելել է Բեյզ մեթալս ընկերության Կաշենի հանքավայր: Այս մասին հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից:

Ընկերության սեփականատերերը Հանրապետության նախագահին ներկայացրել են գործունեության վերջին հաջողություններն ու նախաձեռնությունները: Նոր գործարանների հիմնադրմամբ՝ ընկերությունը մինչև տարեվերջ կարտադրի մոլիբդենի խտանյութ, պողպատե աղացագնդեր (դրանք գրեթե ամբողջությամբ կիրացվեն հանքանյութը վերամշակելիս), գյուղատնտեսության ոլորտում կարևոր ագրոքիմիկատ համարվող պղնձարջասպ, ինչպես նաև պղնձի փոշու տեսքով մետաղական պղինձ, որը կարտադրվի հիդրոմետալուրգիական եղանակով, և դրա համար հիմնական հումք կհանդիսանա նախկինում պոչամբարներում պահեստավորված կիսաթափոնը:

Նախագահ Հարությունյանը գոհունակություն է հայտնել ներկայացված հավակնոտ ծրագրերը հաջողությամբ կյանքի կոչելու համար՝ ընգծելով, որ ընկերությունը շարունակում է կարևոր դերակատարություն ունենալ Արցախի արդյունաբերության զարգացման գործում:

Հանրապետության նախագահին ուղեկցում էր ԱՀ տարածքային կառավարման և զարգացման նախարար Ժիրայր Միրզոյանը:

Այս թեմայով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Արցախը այլևս գոյություն չունի, հետևաբար Արցախի ԱԺ-ն էլ որևէ գործունեություն իրականացնելու իրավունք չունի, միանգամայն հիմնավոր չէ Իրանում վստահ են` նոր պատերազմն ամենամոտ ժամանակներս կսկսվի ԱՄՆ-Իրան բանակցությունները կձախողվեն, կրկին պատերազմը կսկսվի. Գրեհեմ Բախումներ, անկառավարելի քաոս կսկսվի. Սարսափազդու կանխատեսումներ