Տարոնը չկարողացավ, Հայկը կարողացավ. Հայկո՛, սիրուն չի՛ (Տեսանյութ)

«Տարոնը չկարողացավ, Հայկը կարողացավ. Հայկ, սիրուն չի՛, Երեւանի քաղաքապետի ապտակը երեւանցիներիս», - Մաշտոցի պուրակից այսպիսի վերնագրով տեսանյութ է հրապարակել Երեւանի քաղաքապետարանի «Կանաչապատում եւ շրջակա միջավայրի պահպանություն» ՀՈԱԿ-ի նախկին տնօրեն ԱՐՄԵՆ ԲԵԳՈՅԱՆԸ եւ մանրամասնել. «Ես նկարներից տեսել էի, որ կտրել են, փաստորեն նաեւ մեջի բոլոր ծառերն են կտրել, որոնք կատեգորիկ արգելված են: Մասնագետները, որ ասում էին, թող գան, նայեն Երեւանի սիմվոլ սոսին ինչ վիճակում է, փաստորեն կչորացնեն, այստեղ կատարյալ խայտառակություն է: Մի ծառ կար, որ այնպես էին վնասել, խնդրեցինք կտրել, մնացածը համաձայնեցինք, որպես չարյաց փոքրագույն: Բայց կարող ենք ասել, որ Մաշտոցի պուրակի այգու կեսը քաղաքապետի գրիչի մեկ հարվածով ուղղակի ոչնչացվեց: Մաշտոցի պուրակն այն այգին է, որտեղ նախկին քաղաքապետ Տարոն Մարգարյանի օրոք ցանկանում էին կրպակներ եւ տաղավարներ կառուցեին, եւ բողոքի ակցիաներին էլ Հայկ Մարությանն էր մասնակցում, եթե ճիշտ եմ հիշում: Այստեղ կորուստներն ուղղակի անդառնալի են: Ծառ պարտավոր են տնկել, բայց ոչ թե ոչնչացնել 50 տարվա եղածը»:

Այս թեմայով «Ժողովուրդ». Այսօր կորոշեն Հայկ Սարգսյանի ճակատագիրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան ՔՊ-ի կեղտոտ սպիտակեղենը փռել են արեւին