Բելառուսում ձերբակալված ՌԴ քաղաքացիները կալանավորվել են

Բելառուսում ահաբեկչություններ ծրագրելու մեղադրանքով հուլիսի 29-ին ձերբակալված ՌԴ քաղաքացիները կալանավորվել են, հաղորդում է Sputnik Беларусь-ը` մեջբերելով երկրի քննչական կոմիտեի ղեկավար Իվան Նոսկևիչի հայտարարությանը: «Մենք տեղեկություններ ենք ստացել, որ նրանք մարտական լուրջ անցյալ ունեն՝ Ուկրաինայի արևելքում են կռվել»,- հայտարարել է Նոսկևիչը:

Հիշեցնենք, որ հուլիսի 29-ին հայտնի էր դարձել, որ Բելառուսում 33 ռուսների են ձերբակալել: Նրանց նկատմամբ քրեական գործ են հարուցել ահաբեկչություններ նախապատրաստելու մասին հոդվածով, վերջիններիս սպառնում է մինչև 20 տարվա ազատազրկում: Բացի այդ, նրանց կասկածում են երկրում զանգվածային անկարգություններ կազմակերպելու մտադրության մեջ:

Ռուսաստանի ԱԳՆ-ն, մեկնաբանելով իրավիճակը, Մինսկին խնդրել է «չսրել» հույզերը ընտրական ցիկլի մեկնարկից առաջ: Այն, որ ձերբակալված ռուսաստանցիներին Բելառուսի իշխանությունները համարում են «գրոհայիններ» եւ կասկածում են քայքայիչ գործունեության մեջ, նախարարությունում քննադատության չդիմացող հայտարարություն են անվանել:
Բելառուսում ՌԴ դեսպան Դմիտրի Մեզենցևն իր հերթին հայտնել է, որ ձերբակալված ռուսաստանցիները միայն Մինսկով մեկնել են Ստամբուլ, Սակայն ուշացել են չվերթից:
Նախնական տեղեկատվության համաձայն՝ տղամարդիկ առեւտրային ընկերություններից մեկի աշխատակիցներ են, որը զբաղվում է էներգետիկ օբյեկտների պահպանությամբ, եւ պատրաստվում էին աշխատել Բելառուսի սահմաններից դուրս: Հանրապետությունում ՌԴ դիվանագիտական առաքելության հյուպատոս Կիրիլ Պլետնեւը նշել է, որ պաշտոնական Մինսկի հայտարարություններն այն մասին, որ ռուսները կարող էին համաձայնության գալ Բելառուսի նախագահի թեկնածու Սվետլանա Տիխանովսկայի կամ այդ պաշտոնի մյուս թեկնածուների հետ, մտացածին են:
 

Այս թեմայով Փաշինյանը նպատակ ունի կտրել թաղման նպաստները «Ժողովուրդ». Նոր մանրամասներ Գեղարքունիքում կաշառքի գործով ձերբակալված վարչության պետի գործից Գագիկ Խաչատրյանը 2 ամսով կալանավորվել է Այս տարվա 6 ամսում ՀՀ–ում ավելի շատ կացության կարգավիճակ ստացել են ՌԴ քաղաքացիները Մահացած զինծառայողի ընտանիքին արդարություն է պետք, ոչ թե արագ հայտնաբերված մեղավոր կամ քավության նոխազ․ Բացառիկ զրույց հայտնի իրավապաշտպանի հետ