​​​​​​​Ռուս-թուրքական բախման հաջորդ տարածաշրջանը կարող է լինել Հարավային Կովկասը. թուրքագետ

Այս օրերին շատ է քննարկվում, թե, ի վերջո, ի՞նչ է ուզում Թուրքիան՝ հասնել ՌԴ-ի հետ փոխշահավետ համագործակցությա՞ն, թե՞ ճիշտ հակառակը՝ գնալ ուղիղ բախման: Այս հարցի պատասխանը փորձեցինք պարզել ԵՊՀ Արեւելագիտության ֆակուլտետի դեկան, թուրքագետ ՌՈՒԲԵՆ ՄԵԼՔՈՆՅԱՆԻՑ:

- Ռուս-թուրքական հարաբերությունների վերջին տարիների ոճը որոշակի փոփոխությունների են ենթարկվել, բայց, այնուամենայնիվ, ինչ-որ տեսանելի տրամաբանության շրջանակներում են: Ռուս-թուրքական այդ բախումները կամ, ինչպես ասում են, պրոքսի պատերազմներն այսօր տեսնում ենք տարբեր տասրածաշրջաններում: Օրինակ, Սիրիայում տեսանք, որ թուրքական բանակի առաջխաղացումը կասեցվեց ռուսական զորքերի ուղիղ միջամտությամբ: Այսօր այն, որ Թուրքիան օկուպացրել է Սիրիայի մի հատվածը, այլ ոչ ամբողջ Սիրիան կամ ավելի մեծ հատվածներ, նաեւ այս բախման հետեւանքով է կամ շնորհիվ: Մոտավորապես՝ համանման պատկեր, մի փոքր ուրիշ կերպ ուրվագծվում է Լիբիայում, որտեղ նույնպես ռուս-թուրքական բախում է գնում: Եվ ռուս-թուրքական բախման հաջորդ տարածաշրջանը կարող է լինել Հարավային Կովկասը, որտեղ եւս կան ռուս-թուրքական քաղաքական, ռազմական, տնտեսական շահեր: Ընդ որում՝ բախման ոճը գրեթե նույնական է, այսինքն՝ թուրքական դիվանագիտությունը կառուցված է ոչ թե միջազգային չափորոշիչների, համամարդկային արժեքների, այլ՝ ուժի, խորամանկության, ստեղծված իրավիճակից հնարավորինս շատ օգուտ քաղելու վրա: Իհարկե, սա տրամաբանական է, բոլոր երկրներն էլ փորձում են իրավիճակից ավելի շատ օգուտներ քաղել, բայց Թուրքիային բնորոշ գիծը հետեւյալն է՝ օրինակ, թուրքական զորքը մտնում է Սիրիա՝ ասելով, որ հակաահաբեկչական պատերազմ է մղելու, ապահովելու է անվտանգության գիծը, այնուհետեւ սկսում է բանակցել ռուսների հետ կամ ինչ-որ առաջխաղացում է անում, հետո  է սկսում բանակցել: Հիմա մոտավորապես նույն դրվագները կարող ենք տեսնել՝ թուրքական զորքը մտնում է Նախիջեւան, ասում է՝ մենք Ադրբեջանի հետ զորավարժություններ ենք անում: Հաջորդ պահին հայտարարում է, որ Ադրբեջանը, որպես մեր ռազմավարական դաշնակից, ունի անվերապահ աջակցություն, ամեն կերպ, նաեւ ռազմական առումով Ադրբեջանի կողքին ենք: Իսկ զուգահեռ տեղի է ունենում Պուտինի եւ էրդողանի հեռախոսազրույցը, տեղի են ունենում բազմաբնույթ քննարկումներ, որտեղ կատարվում է անդրադարձ գազի շուրջ, տնտեսական, սիրիաական, լիբիական հարցերի եւ այլն, բայց արդեն փոփոխված ստարտային պայմաններով: Հետեւաբար, հիմա քանի թուրք-ադրբեջանական զորավարժություններն ընթանում են, կարծում եմ՝ ռուս-թուրքական բանակցություններն ավելի ինտենսիվ են լինելու, որովհետեւ այստեղ դե ֆակտո եւ դե յուրե գործ ունենք թուրքական ռազմական ներկայության հետ Նախիջեւանում՝ Երեւանից ոչ շատ հեռու:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Սևանում ապամոնտաժվել է Ռուբեն Հայրապետյանի առանձնատան՝ ապօրինի կառուցված պարիսպը․ . factor.am