Մենք չենք լռելու. Աչաջրի ծննդատան տնօրեն

Ժամեր առաջ տեղեկացանք, որ առողջապահության նախարար Արսեն Թորոսյանը կասեցրել է Աչաջուր համայնքի ծննդատան աշխատանքը: Այս մասին գրել էր բուժհաստատության ղեկավար Կորյուն Վարդապետյանը, տեղեկացնելով հետևյալը.

«Սիրելի տավուշցիներ ուզում եմ Ձեզ տեղեկացնել,որ այսօր 31/07/2020 Առողջապահության նախարար Արսեն Թորոսյանից ստացված հրամանի համաձայն կասեցվել է Աչաջրի Առողջության կենտրոնի՝ Մանկաբարձական տեսակով զբաղվելու իրավուքը(Աչաջրի ծննդատունը)։Ելնելով տրված հրամանից ,որպես բժիշկ մանկաբարձ-գինեկոլոգ ես այլևս չեմ կարող իրականացնել իմ մասնագիտական գիտելիքները և ունակությունները Աչաջրի Առողջության կենտրոնում։Այս պահին քննարկվում  է որպես մանկաբարձ-գինեկոլոգ իմ հետագա գործունեության իրականումը ՀՀ այլ տարածաշրջանում գտնվող առաջատար կլինիկաներից մեկում:

Ծննդատան գործունեությունը չկասեցնելու նպատակով ես հնարավորինս պայքարեցի,սակայն ապարդյուն..............»։

Iravunk.com-ը կապ հաստատեց բուժհաստատության ղեկավար Կորյուն Վարդապետյանի հետ, որոշ հարցեր պարզելու նպատակով:

Մեր այն հարցին, թե ի՞նչ քայլեր եք ձեռնարկում, նախարարության որոշմանն ընդդիմանալու համար, տնօրեն Վարդապետյանն ասաց հետևյալը.

«Մենք չենք լռելու: Հիմա այդ մասին Տավուշի մարզպետարանում քննարկումներ են ընթանում, տեսնենք ինչ արդյունքի կհասնենք, որից հետո էլ պարզ կլինեն մեր հետագա անելիքները:

Խնդիր կա հասկանալու, այն օրինական հրաման է, թե՞ անօրինական: Իսկ այս պահին այլ բան ասել չեմ կարող»,֊ եզրափակեց բժիշկը:

Հայկ Գևորգյան 

Այս թեմայով Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք «Եթե Թուրքիան օգնի Սաուդյան Արաբիային, մենք կհարվածենք երկաթե բռունցքով». Հուսիթների ներկայացուցիչ Մենք չենք կարող գեղեցկացնել ընտրությունների արդյունքները, դրանք աղետ են. Մերց Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ