Կարեն Բարսեղյանը լքեց «Վանի» գլխավոր մարզիչի պաշտոնը

Հայաստանի Բարձրագույն խմբի նորեկ «Վանի» գլխավոր մարզիչ Կարեն Բարսեղյանը լքել է թիմի գլխավոր մարզչի պաշտոնն ու նշանակվել ակումբի փոխանագահի պաշտոնում։

Այս մասին տեղեկանում ենք ակումբի ֆեյսբուքյան պաշտոնական էջից։

«Հարգելի երկրպագուներ, երեկ տեղի ունեցավ ՀՖՖ հերթական գործկոմի նիստը, որտեղ հաստատվեց ՖԱ Վանի հանդես գալը Բարձրագույն խմբում, ինչի համար բոլորս երջանիկ ենք։ Մենք սպասում էինք այս օրվան, որպեսզի կարողանանք կատարել մեր պլանավորած գործերը։ Ուրախ ենք լինելու Բարձրագույն խմբի ընտանիքի անդամ և, իհարկե, հասկանում ենք, թե ինչ բարդ և պատասխանատու ճանապարհ է մեզ սպասվում։ Այդ կապակցությամբ ես՝ որպես ակումբի փոխնախագահ և գլխավոր մարզիչ, հանդիպել եմ ակումբի հովանավորների հետ և որոշում եմ կայացրել, որ այսուհետ ՖԱ Վանի գլխավոր մարզչի պարտականությունները պետք է կատարի Սևադա Արզումանյանը, իսկ ես զբաղեցնեմ ակումբի փոխնախագահի պաշտոնը։Մենք հասկանում ենք, որ առաջին տարին կարևոր և բավականին բարդ է լինելու մեզ համար, և որպեսզի թե՛ մարզչական, թե՛ կազմակերպչական բնագավառը չտուժի, այդպիսի որոշում ենք կայացրել։ Դա իմ անձնական որոշումն  է եղել։ Ես վստահ եմ, որ դա ճիշտ որոշում է, քանի որ մենք թիմը վստահել ենք փորձառու և, իմ կարծիքով, լավագույն մասնագետներից մեկին, ում հետ ես ինքս մեծ ճանապարհ եմ անցել և մեծ նվաճումների հասել։

Ցանկանում եմ շնորհակալություն հայտնել մարզչական շտաբին, ադմինիստրատիվ կազմին և, իհարկե, ֆուտբոլիստներին այս մեկ տարվա աշխատանքի համար, որը, կարծում եմ, տեսանելի է ամբողջ հանրության համար։ Վստահ եմ, որ ապագայում կունենանք հաջողություններ, կունենանք մարտունակ թիմ և կկատարենք ղեկավարության կողմից ներկայացված առաջադրանքները։

Այս պահին մենք լայնածավալ աշխատանքներ ենք կատարում, որպեսզի Բարձրագույն խմբին հապատասխան ունենանք թե՛ ենթակառուցվածք, թե՛ ֆուտբոլիստներ։ Այդ պատճառով մեր թիմում եղել են փոփոխություններ, որոնց մասին դուք արդեն գիտեք, որոշ փոփոխություններին կտեղեկանաք մեր պաշտոնական էջից։

Սա չի նշանակում, որ ես դադարում եմ մարզչական աշխատանքով զբաղվել, ուղղակի այս պահին ամենակարևորը դա ակումբի հաջողությունն է, ուստի այսպիսի որոշում է կայացվել և վստահ եմ սա լավագույն ու ճիշտ որոշումն է։

Շնորհակալություն»,- Բարսեղյանի խոսքերն է փոխանցում ակումբի մամուլի ծառայությունը։

Նշենք, որ «Վանի» գլխավոր մարզիչի պարտականություններն այժմ կատարելու է Սևադա Արզումանյանը։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով