Կորոնավիրուսով վարակվածների իմունիտետը որքան ժամանակ է պահպանվում. հետազոտությունների արդյունքները

Չինաստանի, Մեծ Բրիտանիայի եւ ԱՄՆ-ի գիտնականները պարզել են, թե որքան երկար կարող են մարդու օրգանիզմում պահպանվել կորոնավիրուսային վարակի հակամարմինները, հաղորդում Է National Public Radio-ն: Ուսումնասիրությունների արդյունքները հրապարակել Է Կալիֆոռնիայի համալսարանը։ Հսկողության տակ է եղել 34 մարդ՝ COVID-19 ախտորոշմամբ։ Պարզվել է, որ իմունիտետի միջին ցուցանիշները մոտ երկուսուկես ամիս անց կիսով չափ նվազել են այն մակարդակից, որում դրանք արձանագրվել են հիվանդների դիտարկման սկզբից ի վեր:

Լոս Անջելեսի Կալիֆոռնիայի համալսարանից դոկտոր Օտտո Յանգի խոսքով՝ «Սա ընդամենը մեկ փաստ է համեմատաբար կարճ ժամանակահատվածում։ Այդ պատճառով մենք չգիտենք, թե արդյոք հակամարմինները կշարունակե՞ն նվազել նույն արագությամբ՝ ժամանակի ընթացքում»:

Գիտնականները պնդում են, որ ավելի թեթեւ ախտանիշներով կամ առանց ախտանշանների մարդիկ կորոնավիրուսի նկատմամբ թույլ արտահայտված իմունիտետ ունեն ։ Ըստ Յանգի․ «Նրանց մեծ մասի, ովքեր տանը բուժվում էին առանց բժշկական օգնության, հակամարմինների ցուցանիշներն այնքան էլ բարձր չէին։ Իսկ այն մարդիկ, ովքեր հիվանդությունը ծանր են տարել, ունեն շատ եւ շատ բարձր իմունային ցուցիչ՝ 10-ից 100 անգամ ավելի բարձր, քան առաջինները»։

Մաունթ-Սինայի բժշկական դպրոցի մեկ այլ հետազոտական խումբ մոտ 20 հազար մարդու է հետեւել ՝ թեթեւ եւ չափավոր թոքաբորբով: Աշխատանքի արդյունքների վերաբերյալ պաշտոնական ամփոփիչ հաշվետվություն դեռ չկա, բայց հայտնի է, որ այդ մարդկանց 90%-ը ունեցել է հակամարմիններ, որոնք արձանագրվել են առնվազն երեք ամիս: Այդ հակամարմինները չեզոքացրել են վիրուսն առնվազն լաբորատոր պայմաններում։

Իսկ ահա գիտնական Ֆլորիան Կրասերի կարծիքով՝ խելամիտ է ենթադրել, որ հակամարմինների «պաշտպանությունը գործելու է մեկից երեք տարի ժամկետով»:

Այս թեմայով Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Մենք չենք կարող գեղեցկացնել ընտրությունների արդյունքները, դրանք աղետ են. Մերց Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար