Մոսկվայում հայ-ադրբեջանական բախումների հետևանքով բերման է ենթարկվել 1000 հայազգի քաղաքացի

Armtimes.com-ը գրում է, որ Մոսկվայում հայերի և ադրբեջանցիների միջև տեղի ունեցած բախումների հետևանքով բերման է ենթարկվել ընդանուր առմամբ մոտ 1000 հայազգի քաղաքացի: Նրանց մեծ մասին արձանագրություն կազմելուց հետո ազատ են արձակել, իսկ 15 մարդ ենթարկվել է տարբեր չափերի (1000-1500 ռուբլի) վարչական տուգանքի, մեկ մարդ կալանավորվել է 10-ը օրով, քանի որ ունեցել է վաղօրոք դատվածություն, իսկ 8 քաղաքացի դեռևս գտնվում է կալանքի տակ, երկու ամիս ժամկետով՝ մինչև նախաքննության ավարտը:

Այս մասին ՀԺ-ի հետ զրույցում փոխանցեց Ռուսասատանի հայերի միության մոսկովյան գրասենյակի ղեկավար Շահեն Պետրոսյանը:

«Բերման ենթարկված քաղաքացիների մեծ մասը եղել են նրանք, ովքեր կազմել էին ավտոմեքենաների շարասյուն և շրջում էին քաղաքում դրոշներով: Նրանց հրավիրել են ոստիկանություն՝ չարտոնված ակցիա անցկացնելու համար և արձանագրություն կազմելուց հետո բաց թողել: Այս պահին կալանքի տակ են գտնվում նրանք, ովքեր կասկածվում են ադրբեջանցիների ռեստորաններ ներխուժելու և խուլիգանական գործողություններ կատարելու համար: Նշվում է հիմնականում երկու ռեստորան՝ «Բակինսկի դվորիկ» և «Հազար ու մի գիշեր»,- ասաց Շահեն Պետրոսյանը:

Կալանավորված քաղաքացիները, ըստ այդմ, մեղադրվում են ՌԴ քրեական օրենսգրքի 213 հոդվածի 2-րդ մասով՝ խուլիգանության, զենքի կամ այլ առարկաների գործադրմամբ հասարակական կարգը խախտելու համար:

Բոլոր հայազգի քաղաքացիների պաշտպանությամբ զբաղվում են Ռուսասատանի հայերի միության մոսկովյան գրասենյակին կից իրավաբանների ասոցացիան և այլ հայկական իրավաբանական կազմակերպությունները՝ «АРМРОСС», «ОМЕГА Групп»:

Շարունակությունը՝ սկզբնաղբյուր կայքում

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մոսկվայում բենզինի վաճառքի նոր սահմանափակում է մտցվել ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Շատ մեծ հոսք է․ 3 ժամում քվեարկել է ՌԴ 1800 քաղաքացի. Կոպիրկին Պետդումայի ընտրություններին Մոսկվայում  քվեարկելու է եկել անձամբ Ստալինը (Տեսանյութ)