Այսօր  ԷԴԳԱՐ ԷԼԲԱԿՅԱՆ ԿՐՏՍԵՐԸ կդառնար 38 տարեկան

Այսօր  ԷԴԳԱՐ ԷԼԲԱԿՅԱՆ ԿՐՏՍԵՐԸ կդառնար 38 տարեկան:

Ակամայից հիշեցինք Վարդգես Պետրոսյանի տողերը. «Ամեն մոտիկ մարդու մահը մեզ պարտավորեցնում է ապրել նրա չապրած տարիները, խմել այն գինին, որ նա չհասցրեց խմել»:  

ԷԴԳԱՐ ԷԼԲԱԿՅԱՆ ԿՐՏՍԵՐԸ  թեև ապրեց  18 տարի, բայց իրենից հետո թողեց ստեղծագործական  ժառանգություն:

Ահա նրա բանաստեղծություններից մի քանիսը.

***

Եթե  մեկին այս ճահճից

Ես փրկել կարողանամ,

Ուրեմն ես կհաղթեմ

Ու հանգիստ կհեռանամ:

Ու թող այդժամ ինչ ուզե

Ճակատագիրը բերի,

Մեկ է` հաղթել եմ արդեն

Կյանքի մարտում կատաղի:

Մորս

Լուսինը նայեց քաղաքին քնած,

Ու գիշերը հանկարծ ինչ-որ բան շշնջաց,

Ինչ-որ բան շշնջաց:

Լուսինը նայեց այն շանը քնած,

Որ պառկել էր անշարժ սև հողում մոխրացած,

Սև հողում մոխրացած:

Ախ, լուսին, լուսին

Ուզում եմ քեզ գրկել,

Քեզ տանել, լուսին

Ու մորս նվիրել։

Լուսինը լսեց ու կորավ հանկարծ,

Մնացի միայնակ գիշերում կախարդված,

Գիշերում կախարդված:

Իսկ երբ արթնացա, ես տեսա հանկարծ,

Որ լուսինը կորած իմ գրկում է քնած,

Իմ գրկում է քնած:

Ախ, լուսին, լուսին

Ուզում եմ քեզ գրկել,

Քեզ տանել, լուսին

Ու մորս նվիրել

ԿԵՆՍԱԳՐՈՒԹՅՈՒՆԸ

ԷԴԳԱՐ ԷԼԲԱԿՅԱՆ կրտսերը  ծնվել է 1982 թվականի հունիսի 30-ին: նա թատրոնի և կինոյի դերասան, ՀԽՍՀ վաստակավոր արտիստ Էդգար ԷԼբակայանի թոռն է, հայ ժամանակակից բեմի վարպետներ Արմեն և Աննա Էլբակյանների որդին:

Սովորել է Երևանի թատրոնի և կինոյի պետական ինստիտուտի ռեժիսորական բաժնում: Խաղացել է թատրոնում, կինոյում: Տարբեր թատրոններում իրականացրել է մի շարք բեմադրություններ։ Գաբրիել Սունդուկյանի անվան թատրոնում բեմադրված Օ՝ Նիլլի «Սերը ծփիների տակ» ներկայացման երաժշտության հեղինակն է։ Երևանի թատրոնի և կինոյի պետական ինստիտուտում անցկացված մրցույթում արժանացել է պատվո դիպլոմի։ Հետմահու նրան շնորհվել է նույն ինստիտուտի «Ոսկե դիմակ» մրցանակը։ Էդգար Էլբակյան կրտսերը շուրջ հարյուր բանաստեղծությունների, թատերգությունների, պոեմների, պատմվածքների և երգերի հեղինակ է։ 2002 թվականին լույս է տեսել Էդգար Էլբակյան կրտսերի «Գծից այն կողմ» ստեղծագործությունների ժողովածուն։ Մահացել է 2000 թվականի օգոստոսի 13 -ին:

Այս թեմայով «Ժողովուրդ». Այսօր կորոշեն Հայկ Սարգսյանի ճակատագիրը Այսօր Հայաստանը նշում է Անկախության օրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Նախկին վարչապետի ընտանիքը սգում է ՇՏԱՊ. ՀՀ նախագահ անճանաչելիորեն փոխվել է. ՖՈՏՈ