Մխիթարյանը կատարեց գոլային փոխանցում, «Ռոման» հաղթեց եւ նվաճեց ԵԼ-ի ուղեգիր

Իտալիայի առաջնության նախավերջին տուրում «Ռոման» հյուրընկալվեց «Տորինոյին» եւ հաղթանակ տարավ 3։2 հաշվով։

14-րդ րոպեին դաշտի տերերը բացեցին հանդիպման հաշիվը, սակայն 2 րոպե անց Հայաստանի հավաքականի կիսապաշտպան Հենրիխ Մխիթարյանի փոխանցումից հետո բոսնիացի հարձակվող Էդին Ջեկոն խփեց պատասխան գոլը։

23-րդ րոպեին աչքի ընկավ անգլիացի պաշտպան Կրիս Սմոլինգը, 61-րդ րոպեին էլ 11 մետրանոցը արդյունավետ իրացրեց «Ռոմայի» գվինեացի կիսապաշտպան Ամադու Դիավարան։ «Տորինոն» 4 րոպե անց կրճատեց հաշվի տարբերությունը, բայց ավելի անել չկարողացավ։ Մխիթարյանը փոխարինվեց ավելացված ժամանակում։

«Ռոման» 67 միավորով ապահովեց 5-րդ տեղն ու Եվրոպայի լիգայի խմբային փուլի ուղեգիրը։ «Տորինոն» 16-րդն է՝ 39 միավոր։

Անցած տուրում չեմպիոնի տիտղոսն ապահոված Թուրինի «Յուվենտուսը»մրցակցի խաղադաշտում հանդիպեց «Կալյարիի» հետ եւ պարտություն կրեց 0։2 հաշվով։ «Յուվենտուսն» ունի 83 միավոր, «Կալյարին» 45 միավորով 13-րդն է։

Այս թեմայով Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն ՀԴԲ-ն լիկվիդացրել է Պենտագոնի աշխատակցի, ով տեղեկություններ էր փոխանցում Ռուսաստանին` կարծելով, որ օգնում է Ուկրաինային NBC. ՌԴ-ն տվյալներ է փոխանցում Իրանին` ամերիկյան ուժերի գտնվելու վայրերի մասին Արցախի հերոսը հաղթել է Ռոման Բաղդասարյանին ՇՏԱՊ. Բաքվի գերության մեջ 5 տարի անցկացրած Սուջյանը բացահայտում է ՔՊ աջակցին