ԱՅՍ ՍԱԴՐԻՉ ԳՈՐԾՈՂՈՒԹՅՈՒՆՆԵՐԻՑ ՀԵՏՈ ՄԵՆՔ ԷԼ ՈՉ ՄԻ ԲԱՆԻ ԱՌԱՋ ՉԵՆՔ ԿԱՆԳՆԵԼՈՒ. ԱՄՈՒԼՍԱՐԻ ՊԱՇՏՊԱՆՆԵՐ

Վերջին օրերի ընթացքում կրկին ակտիվացել է Ամուլսարը շահագործելու թեման: Ընդ որում, հիշեցնենք՝ մինչ այդ տարածվեցին լուրեր, որ ՀՀ պարետ եւ համատեղության կարգով  առաջին փոխվարչապետ Ավինյանին մեկ վերջին շանս  է տրված՝ լուծել Ամուլ սարի հարցը, հակառակ դեպքում կլուծվի իր հարցը: Իսկ երբ այս լուրերից հետո Ամուլսարում իսկական «մենթական օպերացիաներ» են սկսվում, դա հազիվ թե պատահականություն լինի:

Ինչեւէ, նախօրեին բերման ենթարկեցին Ամուլսարի դիմադրական կետերում եղած քաղաքացիների, ովքեր պահանջում էին, որ Սարավան գյուղի կողմից Ամուլսարի տարածք մտած «Էկո Բիլդինգ» ընկերության 6 աշխատողները, որոնց համարում են պրովոկատոր, դուրս գան  տարածքից եւ դադարեցնեն աշխատանքները: Արդյունքում, հաջողվեց ընդհարում հրահրել եւ մարդկանց բերման ենթարկել: Ի՞նչ իրավիճակ է այս պահին, առհասարակ ինչո՞վ է պայմանավորված «Լիդիան Արմենիայիե  ակտիվացումը, «Իրավունքը» հետաքրքրվեց Ամուլսարի ակտիվիստ, բնապահպան ԳԵՂԱՄ ՕՀՆԱՆՅԱՆԻՑ, ով նախ նկատեց.

- Այո, շատ ճիշտ նկատեցիք, որ «Լիդիան Արմենիան» ակտիվացել է: Ընդ որում` ակտիվացել է հայ-ադրբեջանական սահմանային լարվածությանը զուգահեռ: Ինչպես սահմանին հակառակորդը, այնպես այստեղ «Լիդիան Արմենիան» սկսել է սադրիչ գործողություններ` բախումներ հրահրելով: Եվ նախօրեին տեղի ունեցածն ընդամենը հերթական բախումներից մեկն էր, որի արդյունքում մեր տղաներից 9 հոգի բերման ենթարկեցին:

- Ինչո՞վ եք բացատրում, որ «Լիդիանը» ակտիվացավ ազերիներին զուգահեռ:

-  «Լիդիան Արմենիան» օգտվում է երկրում խառը իրավիճակից: Նաեւ համավարակով պայմանավորված ակցիաների սահմանափակումից, օգտագործելով այն փաստից, որ մենք ավելի պասիվ ենք: Բայց այս սադրիչ գործողություններից հետո մենք էլ ոչ մի բանի առաջ չենք կանգնելու, մեր գործողությունները կրկին կակտիվանան:

- Կառավարության կեցվածքը այս հարցի հետ կապված ինչպե՞ս եք գնահատում:

- Կառավարությունը հանդես է գալիս չեզոք դիրքերից:

ԻԼՈՆԱ ԱԶԱՐՅԱՆ

Այս թեմայով Հանքի շահագործում հնարավոր չէ, սրանք հերթական, ոչ մի տեղ չտանող պրոցեսներ են. Ակտիվիստ Եթե ցանկանում եք վերջնականապես կործանել Հայաստանը, վերսկսեք Ամուլսարի ծրագիրը Սանատորիաների տերերը դեռ տաք են՝ «Ամուլսարի» շահագործումով Ջերմուկը քանդելու են. Ադամյան «Թքողական» քաղաքականության շարունակությունը եւ կառավարության «աչքալուսանքը» Գնացին մի լավ հավաքագրվեցին, ուղեղները լվացած հետ եկան. Արշակ Զաքարյան