Հայ-ադրբեջանական սահմանին իրավիճակի կայունացման գործում Ռուսաստանի դերը բացառիկ կառուցողական է. Փաշինյան

Ադրբեջանի զինված ուժերը շարունակում են խախտել հրադադարը հայ-ադրբեջանական սահմանին, սակայն ընդհանուր իրավիճակը կայուն է, ասել է ՀՀ վարչապետ Նիկոլ Փաշինյանը՝ РБК հեռուստաալիքին տված հարցազրույցում:

«Հայ-ադրբեջանական սահմանին և Ադրբեջանի ու Լեռնային Ղարաբաղի շփման գծում իրավիճակը կարելի է գնահատել համեմատաբար կայուն: Իհարկե, ցավոք, Ադրբեջանի Զինված ուժերը շարունակում են խախտել հրադադարը, բայց կրակի մակարդակն այսօր այնպիսին է, ինչ վերջին 10 տարիներին: Նկատի ունեմ՝ վերջին 2-3 օրերը», - ասել է նա։

Ըստ Փաշինյանի՝ Մոսկվան առանցքային դեր է խաղացել հայ-ադրբեջանական սահմանին իրավիճակի կայունացման գործում:

«ԵԱՀԿ Մինսկի խմբի համանախագահները շատ կարևոր կայունացնող դեր են խաղացել: Այստեղ հատկապես ընդգծվում է Ռուսաստանի դերը, և ես կարծում եմ, որ Կրեմլի կողմից ձեռնարկված գործողությունները, արտաքին գործերի նախարարության և Ռուսաստանի զինված ուժերի գլխավոր շտաբի ներգրավվածությունը կարևոր դեր են խաղացել նրանում, որ այսօր մենք ունենանք համեմատաբար կայուն իրավիճակ: Ռուսաստանի Դաշնության դերը, իհարկե, բացառիկ կառուցողական է», - նշել է նա:

Ըստ Փաշինյանը՝ «Հայաստանի շատ քաղաքացիներ հետաքրքրվում են՝ ինչու է Թուրքիան միանշանակ պաշտպանում Ադրբեջանի դիրքերը, իսկ Ռուսաստանը, որը Հայաստանի ռազմավարական գործընկերն է, միանշանակ չի պաշտպանում Հայաստանին»:

«Մենք պետք է հասկանանք, որ Ռուսաստանի Դաշնությունը ԵԱՀԿ Մինսկի խմբի համանախագահն է, որը զբաղվում է Ղարաբաղյան հիմնախնդրի կարգավորմամբ։ Ռուսաստանը կարևոր և առանցքային միջնորդ է, նրա գործողությունները պետք է լինեն այդ շրջանակում», - ավելացրել է Փաշինյանը:

Այս թեմայով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Վիրավոր իմ Հայաստան, դու դեռ ուղղելու ես քո ողնաշարը Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար