Բոլորս ենք մեղավոր, որ այսպիսի իշխանություն ունենք. Ահարոն Ադիբեկյան

«Սոցիոմետր» անկախ սոցիոլոգիական կենտրոնի տնօրեն ԱՀԱՐՈՆ ԱԴԻԲԵԿՅԱՆԻ գնահատմամբ` այսօր շտապ անհրաժեշտ է մտածել կորոնավիրուսի հետագա բացասական հետեւանքների չեզոքացման մասին: Այս առումով ՌԴ-ում բավականին լուրջ հետազոտական ծրագրեր են իրականացվում, իսկ մեզ մոտ նման բան չկա:

-Մեզ մոտ պաշտոնապես աղքատների թիվը 25 տոկոս է կազմում, մինչդեռ  իրականում 50 տոկոս է, որովհետեւ մենք «յոլա» գնացող ազգ ենք: Սակայն աղքատության վերելք է սպասվում: Նախ արտագնա աշխատողները աշխատանքից զրկվելու են, որովհետեւ գնալու տարբերակ չկա. Ռուսաստանը պարզ չէ` կբացի մեզ հետ սահմանը, թե` ոչ, Եվրոպան ընդամենը 15 երկրի է իրավունք տվել ավիաուղիներ ունենալ, ներառյալ Վրաստանին: Իսկ Հայաստանին, երեւի, հաջորդ տարի միայն կհաջողի այդ թվում լինել: Խնդիր է նաեւ Վրաստանով անցնելը, պետք է ստուգվես, տեղեկանք ներկայացնես: Այս ամենը կտրուկ նվազեցնելու է ընտանիքների տնտեսական վիճակը, առեւտուրը, բիզնեսը եւ ընդհանրապես` սպասարկման ոլորտը չի ունենա սպասելիք եկամուտները, ինչը պետք է արվեր այս իրավիճակում: Սա նշանակում է, որ գողությունների, կողոպուտների թիվը կտրուկ աճելու է, որովհետեւ մարդիկ  ընտանիք պահելու միջոց չունեն:

– Պարոն Ադիբեկյան, ո՞վ է մեղավոր, որ կորոնավիրուսով պայմանավորված` Հայաստանը հայտնվեց նման իրավիճակում:

– Բոլորս ենք մեղավոր, որ այսպիսի իշխանություն ունենք, մի քիչ էլ փնթի, անպատասխանատու ազգ ենք: Դուրս ես գալիս փողոց եւ տպավորություն է, որ  մեզ մոտ բան չի պատահել: Կյանքը, կարծես, վերականգնվել է, մեքենաներ են գնում-գալիս, վերանորոգման աշխատանքներ է գնում, առեւտուր են մարդիկ անում: Ու այսքանից հետո` դեռ զարմանում են, թե այդ վարակը ինչպես է տարածվում: Կարծում եմ` ազգային ծրագիր պետք է ունենանք կորոնավիրուսի դեմ պայքարում: Օրինակ, Արտաքին գործերի նախարարությունը զբաղված է ընդամենը ղարաբաղյան հիմնախնդրով եւ վերջ: Բայց իր դերակատարությունն է նաեւ կորոնավիրուսի դեմ պայքարի համար գումարներ բերելը: Մինչդեռ չի արվում, որովհետեւ նման խնդիր իր առջեւ չեն դրել: Դրա համար պետք է լինի ազգային ծրագիր, որ ամեն մեկն իմանա իր առաքելությունը որն է եւ  բավականին բարձր մակարդակով իրականացնի այն:

ՀՐԱՆՏ ՍԱՐԱՖՅԱՆ

Այս թեմայով «Միասնական Ռուսաստանը» ռեկորդային թվով մանդատներ է ապահովել Պետդումայի ընտրություններում Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ