Քրեակատարողական հիմնարկները նորից կընդունեն Փաշինյանին եւ իր ԿԳՄՍ նախարարին. Փոստանջյան

Շուրջ 10-ը օր է, ինչ բարձր միավոր ստացած, բայց բուհ չընդունված դիմորդները Ազգային ժողովի ու կառավարության դիմաց, երեկ նաեւ ԿԳՄՍ նախարարության առջեւ պահանջում էին իրենց հիմնարար իրավունքի իրացման հարգում, այսինքն` կրթություն ստանալու իրավունքի հարգում:Սակայն, դիմորդներն ու իրենց ծնողները նույնիսկ չարժանացան ԿԳՄՍ նախարար Արայիկ Հարությունյանի ուշադրությանը: Արդյունքում` նստացույցի ժամանակ կարմիր բերետավորները բերման ենթարկեցին ակցիայի մասնակիցներից մի քանիսին, իսկ մյուսները շարժվեցին դեպի ոստիկանության կենտրոնականի բաժին£ Խնդիրն այն է, որ այս տարի կարեւորվել է մասնագիտությունը եւ առաջնայնությունը տրվել է ոչ թե որեւէ առարկայից բարձր ստացողներին, այլ տվյալ մասնագիտությունն առաջին հայտով նշածներին: Դատարանում բուհ չընդունված դիմորդների իրավունքները պատրաստվում է պաշտպանել «Երկիր ծիրանի» կուսակցության նախագահ, փաստաբան ԶԱՐՈՒՀԻ ՓՈՍՏԱՆՋՅԱՆԸ: Նրա գնահատմամբ` որպես վկա, դատարան կհրավիրեն Նիկոլ Փաշինյանին եւ ԿԳՄՍ նախարարին, ինչպես նաեւ փորձագետներին, ովքեր պետաիրավական եզրակացություն են տվել տվյալ որոշման վերաբերյալ:

– Այդ որոշումն ուղղակի հակասության մեջ է մտնում «Նորմատիվ իրավական ակտերի մասին» օրենքի հետ: Եվ այստեղ ոչ միայն թերություն ու անփություն կա, այլ հանցավոր վստահություն, ինչը նույնպես դատապարտելի է: Նրանք պետք է ե՛ւ վերականգնեն այս երիտասարդների իրավունքը, ե՛ւ ներողություն խնդրեն նրանցից, ե՛ւ նաեւ հատուցեն վնասները: Պետության պարտականությունն է մրցույթ կազմակերպել կրթության իրավունքի իրացման համար: Մինչդեռ կարող ենք ասել, որ մրցույթ չի կազմակերպվել: Եթե դուք հնարավորություն չեք տալիս, չեք ապահովում բարձր առաջադիմություն ունեցող դիմորդներին կրթություն ստանալը, ուրեմն` անբարոյական եք, հանցագործ եք, ձեր տեղը բանտախցում է: Նիկոլ Փաշինյա՛ն, կարծում եմ` չեք մոռացել, ինչպես էիք հանգրվանել «Կոշ» քրեակատարողական հիմնարկում, հետո ձեր տերերը հավանաբար ձեզ օգնեցին տեղափոխվել ավելի ապահով քրեակատարողական հիմնարկ` «Արթիկ» ՔԿՀ: Այդ հիմնարկները, կարծում եմ` նորից կընդունեն ձեզ եւ ձեր ԿԳՄՍ նախարարին:

ՀՐԱՆՏ ՍԱՐԱՖՅԱՆ

Այս թեմայով Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել