«Սա ոչ այլ ինչ է, քան ռազմատենչ կոչ հակամարտության կողմ չհանդիսացող երրորդ երկրում»

Վրաստանի Քվեմո-Քարթլի նահանգի` մեծամասամբ ադրբեջանցիներով բնակեցված Մառնեուլի քաղաքում Վրաստանի քաղաքացիներ հանդիսացող մի խումբ ադրբեջանցիներ հակահայկական բողոքի հավաք են կազմակերպել «Վերջ օկուպացիային-ազատություն Ղարաբաղին» եւ «Այս պայքարում Վրաստանը համերաշխ է Ադրբեջանի հետ» կարգախոսներով: Անդրադառնալով վերոնշյալին` «Ջավախք» բարեգործական հիմնադրամի գլխավոր տնօրեն, ԵՊՀ արհեստակցական կազմակերպության նախագահ ԱՐՄԵՆ ԱՎԵՏԻՍՅԱՆԸ շեշտեց, որ սա ոչ այլ ինչ է, քան ռազմատենչ կոչ հակամարտության կողմ չհանդիսացող երրորդ երկրում եւ միջէթնիկ բախմանը նպաստող գործողություն բազմազգ Վրաստանում:

– Հակահայկական բողոքի հավաքից հետո` նույն Քվեմո-Քարթլի նահանգի Սադախլո բնակավայրի ոստիկանության շենքի մոտակայքում մի խումբ ադրբեջանցիներ ծեծի են ենթարկել ազգությամբ հայ երիտասարդի եւ դիմել փախուստի: Սա շատ վտանգավոր միջադեպ է, եւ կարծում եմ` Վրաստանի իրավապահ մարմինները պետք է անհապաղ կանխեն նման միջադեպերը` մեղավորներին պատժելով օրենքի ամբողջ խստությամբ: Հակառակ դեպքում` այն հղի է անկանխատեսելի եւ անցանկալի հետեւանքներով:

Այս թեմայով Գորիսի «Համերաշխություն»-ը ոչ մի աղերս չունի իրական «Համերաշխության» հետ Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան Ներսես Ավետիսյանն ամուսնալուծվել է Ադրբեջանում հավատարմագրված դիվանագիտական կորպուսի ներկայացուցիչներն այցելել են Լեռնային Ղարաբաղ «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին