«Ժողովուրդ». Պատգամավորի մասնակցությամբ խնջույքի լողափն ապօրինի է գործում. բացահայտում

«Ժողովուրդ» թերթը գրում է․ «Սեւանա լճի ափամերձ տարածքում գործող «White Shorja»-ում տեղի ունեցած խնջույքի թեման, որին ներկա է եղել նաեւ ԱԺ «Իմ քայլը» խմբակցության պատգամավոր Հայկ Սարգսյանը, շարունակում է լայնորեն քննադատվել, քանի որ բազմաթիվ մարդիկ առանց դիմակների էին, նարգիլե էին ծխում։ Իհարկե, ինքը՝ Հայկ Սարգսյանը, փարթիի «բացահայտումից» հետո հրապարակավ ներողություն խնդրեց մասնակցելու եւ դիմակ չկրելու համար։ Բայց «Ժողովուրդ» օրաթերթին ուշագրավ մանրամասներ հայտնի դարձան «White Shorja»-ի ստեղծման մասին։

Պարզվում է, որ դեռեւս այս տարվա մայիս ամսին, երբ լողափի ստեղծման նախապատրաստական աշխատանքներ են իրականացվել, «Սեւան ազգային պարկ» ՊՈԱԿ-ի տեսուչը 4 տեսակի խախտում է արձանագրել՝ հողի ապօրինի զավթում, ռելիեֆի խախտում, բուսական եւ կենդանական աշխարհի նկատմամբ վնաս եւ ապօրինի շինարարություն։

Ինչո՞ւ հողի ապօրինի զավթում. որովհետեւ դեռեւս 2012 թվականին այդ տարածքը վարձակալել է ոմն Ռուբեն Չախմախչյան անունով քաղաքացի, պարտքեր կուտակել եւ, ըստ որոշ տեղեկությունների, Հայաստանից հեռացել է։ Այժմ Պարկը դատական քաշքշուկների մեջ Է Չախմախչյանի հետ` տվյալ տարածքի գումարի բռնագանձման պահանջով։ Իսկ 2012 թվականից հետո տվյալ տարածքի նկատմամբ հողօգտագործման իրավունքի ժամկետն ավարտվել է, եւ այժմ, եթե այդտեղ գործունեություն է իրականացվում, ապա դա համարվում է ապօրինի զավթում։ Ստացվում է, որ «White Shorja»-ն ապօրինի է գործում: Սա դեռ ամենը չէ.
այս պատմության մեջ իր դերակատարումն է ունեցել նաեւ ՀՀ շրջակա միջավայրի նախարարի ԺՊ Վահե Ջիլավյանը։

Պարզվում է` Պարկի տեսուչը չի բավարարվել մեկ արձանագրությամբ (մայիսին առաջին արձանագրությունն է կազմվել). երկու շաբաթ առաջ կազմվել է եւս մեկը՝ նույն խախտումների համար, դրանց ուղղակի ընթացք չի տրվել։

«Ժողովուրդ» օրաթերթը տեղեկացավ, որ նախարարի ԺՊ Ջիլավյանը ծածուկ «հանձնարարել է» ընթացք չտալ արձանագրություններին. թե ինչու, թերեւս պետք է ենթադրել, թեեւ նախարարի ԺՊ մամուլի խոսնակ Դավիթ Գրիգորյանը մեզ հետ զրույցում հայտարարեց, որ որեւէ կերպ չի կարող մեկնաբանել այդ լուրերը։

Հուսանք՝ մեր այս հրապարակումից հետո կոպիտ խախտումների արձանագրությունները անպատասխան չեն մնա։ Իսկ ինչ վերաբերում է Հայկ Սարգսյանին, ապա տեղեկացնենք, որ պատգամավորը երեկ ողջ օրվա ընթացքում հերքում էր, որ օբյեկտն իրեն եւ եղբորը՝ ՀՀ վարչապետի խորհրդական Նաիրի Սարգսյանին է պատկանում։ «Տարածքը ինձ չի պատկանում: Ես ճանաչում եմ լողափի սեփականատերերին»,- «Ժողովուրդ» օրաթերթին փոխանցեց Սարգսյանը։

Բայց մարզում ակտիվ շրջանառվում են այն լուրերը, ըստ որոնց՝ հենց Չախմախչյանից հետո որոշ ժամանակ անց Սարգսյաններն են վերցրել այդ տարածքը, որը, ըստ էության, ապօրինի է գործում։ Ի դեպ, «WhiteShorja»-ի վերաբերյալ տեղեկություն «Ժողովուրդ» օրաթերթին չհաջողվեց գտնել. պետական ռեգիստրում այն գրանցված չէր»։

Առավել մանրամասն՝ թերթի այսօրվա համարում

Այս թեմայով Յունիբանկի Թեժ հեռախոսակապի կենտրոնն աշխատանքային օրերին գործում է շուրջօրյա ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Իրանն առաջին անգամ հրապարակել է տեսանյութ, որտեղ ԻՀՊԿ-ն հարվածում է Հորմուզի նեղուցն ապօրինի հատող նավերին (Տեսանյութ) Տարվա մեջ 2-ից ավել նեղ մասնագետի խորհրդատվության դեպքում երեխաների համար համավճար է գործում. ԱՆ ահազանգի հետքերով