Բեռլինում մի խումբ մարդկանց վրաերթի ենթարկած վարորդը հարբած է եղել

Բեռլինում այսօր օրը մի խումբ մարդկանց վրաերթի ենթարկած ավտոմեքենայի վարորդը հարբած է եղել, հաղորդում է «Berliner Zeitung» թերթը՝ վկայակոչելով ոստիկանությանը:
Առավոտյան մարդատար ավտոմեքենան դուրս է եկել ճանապարհից եւ մի խումբ մարդկանց վրաերթի ենթարկել Բեռլինում։ Միջադեպի հետեւանքով, ըստ ոստիկանության ճշտված տվյալների, տուժել է վեց մարդ, երեքը ծանր վնասվածքներ են ստացել:
Պարբերականի տվյալներով՝ ոստիկանությունում նշել են, որ տղամարդու արյան մեջ ալկոհոլի պարունակությունը 0,7 պրոմիլ է եղել։ Գերմանիայում թույլատրելի նորմն առավելագույնը 0,5 պրոմիլն է։ Բեռլինի քրեական ոստիկանությունը հետաքննություն է վարում ավտոմեքենայի 24-ամյա վարորդի նկատմամբ՝ սպանության փորձ կատարելու եւ ճանապարհային երթեւեկությանը վտանգավոր միջամտության կասկածանքով: 
Տեղի մամուլը տեղեկացնում է, որ, ըստ ոստիկանության ներկայացուցչի, բարձր արագությամբ ընթացող ավտոմեքենայի վարորդը ցանկացել է շրջվել, սակայն կորցրել է կառավարումը եւ բախվել մայթին։ Նշվում է, որ խոսքը Էստոնական համարներով Mercedes մակնիշի ավտոմեքենայի մասին է։ Ավելի վաղ ոստիկանությունում ընդգծել էին, որ առայժմ չկան վկայություններ, որ վրաերթը կատարվել է քաղաքական կամ կրոնական դրդապատճառներով:

Այս թեմայով Մանկատան երեխային ծեծի ենթարկած դայակի նկատմամբ խափանման միջոց է ընտրվել տնային կալանքը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Թոշակառու տատիկը սքութերով վրաերթի է ենթարկել մեկ այլ թոշակառուի և կհայտնվի բանտում Իջեւան համայնքի առեղծվածն ու զարգացման գաղտնիքը