Լրացում օրենքում՝ ընդդեմ քրեական ենթամշակույթի. «Ժամանակ»

«Ժամանակ» թերթը գրում է. «Կառավարությունը՝ ի դեմս արդարադատության նախարարության, առաջարկում է լրացում կատարել «Կոռուպցիայի կանխարգելման հանձնաժողովի մասին» օրենքում: Մասնավորապես առաջարկվում է օրենքի 26-րդ հոդվածում, որը վերաբերում է բարեվարքության վերաբերյալ ուսումնասիրությանը, ներառել պաշտոն զբաղեցնելու թեկնածու անձի քրեական ենթամշակույթին հարելու հնարավորության ուսումնասիրությունը:

Նախագծում այդ առնչությունը նկարագրվում է այսպես. «Թեկնածուի կամ նրա ընտանիքի անդամի կողմից քրեական ենթամշակույթ կրող անձի հետ (օրինակ` «օրենքով գող», քրեական հեղինակություն) ազգակցական կամ ընկերական կապի առկայության, քրեական ենթամշակույթ կրող խմբավորման կամ անձի խնդրանքը կատարելու, քրեական ենթամշակույթ կրող խմբավորմանը կամ անձին խնդրանքով կամ որևէ այլ հարցով դիմելու, քրեական ենթամշակույթ կրող խմբավորումից կամ անձից ցանկացած այլ օգուտ ստացած լինելու, քրեական ենթամշակույթ կրող խմբավորման կամ անձի հետ անհատական հանդիպում կամ հեռահար հաղորդակցություն ունենալու վերաբերյալ, ինչպես նաև քրեական ենթամշակույթ կրող խմբավորման կամ անձի հետ անձնական այլ կապ ունենալու վերաբերյալ տեղեկատվության ուսումնասիրություն»:

Եթե նման ձևակերպում լիներ մինչև հեղափոխությունը և այն հստակ գործեր, ապա Հայաստանի բազմաթիվ բարձրաստիճան պաշտոնյաներ ուղղակի չէին կարող նշանակվել կամ կեղծված ընտրություններով ընտրվել»:

Առավել մանրամասն՝ թերթի այսօրվա համարում:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Գեւորգ Սուջյանը նորություն ունի