ՌԴ-ում ՀՀ դեսպանատունը, Հայ առաքելական եկեղեցու թեմերը և Ռուսաստանում հայերի միությունը հանդես են եկել համատեղ հայտարարությամբ

ՌԴ-ում ՀՀ դեսպանատունը, Հայ առաքելական եկեղեցու Ռուսաստանի և Նոր Նախիջևանի թեմերը և Ռուսաստանի հայերի միությունը համատեղ հայտարարություն են տարածել, որը հրապարակվել է դեսպանության ֆեյսբուքյան էջում։ 

«Ռուսաստանի Դաշնության տարածքում վերջին օրերին տեղի ունեցող իրադարձությունները ոչ միայն լուրջ մտահոգություն են առաջացնում ոչ միայն մեծաթիվ հայ համայնքի շրջանում, այլև փաստացի մի շարք մարտահրավերներ են առաջ բերում Ռուսաստանում ազգամիջյան ներդաշնակության պահպանման հարցում: 

Այս օրերին, ցավոք, բախվել ենք Ադրբեջանի կողմից հայ-ադրբեջանական սահմանի լարվածությունը ՌԴ տարածք տեղափոխելու փորձին, և դրանով երկու ժողովուրդների համայնքների միջև կոնֆլիկտային օջախներ ստեղծելուն։

Ակնհայտ է, որ լարվածությունը սրելուն ուղղված բազմաթիվ սադրանքները Մոսկվայի և Ռուսաստանի այլ քաղաքներում, այդ թվում սոցցանցերի ռուսական տիրույթում, դիտավորյալ բնույթ են կրում և նպատակ ունեն օրենքով արգելված տարբեր գործողություններում հայ համայնքի ներկայացուցիչներին ներգրավելու:

Այդ կապակցությամբ մենք դիմում ենք ՌԴ-ի տարածքում բնակվող մեր հայրենակիցներին՝ խնդրելով չմասնակցել որևէ նախաձեռնության, ակցիայի և հավաքի, ինչպես նաև զերծ մնալ սոցցանցերում և տարբեր մեդիա հարթակներում պատասխան գործողությունների դիմելու կոչերից:

Մենք նաև խնդրում ենք ձեզ զգոն և զսպված լինել, ինչպես նախկինում, այնպես էլ հիմա պահպանել ՌԴ օրենքները, մշտական կապի մեջ լինել ՌԴ-ում ՀՀ դեսպանատան, Հայ առաքելական եկեղեցու Ռուսաստանի և Նոր Նախիջևանի թեմի և Ռուսաստանի հայերի միության հետ, ինչպես նաև հնարավոր սադրանքների դեպքում դիմել իրավապահ մարմիններին։

Հայտնում ենք նաև, որ մենք շարունակում ենք սերտ կապի մեջ գտնվել ՌԴ իրավապահ մարմինների և իշխանությունների հետ՝ ստեղծված իրավիճակին լուծում տալու համար»,–նշված է հայտարարությունում։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Լավ գիտեն՝ Նիկոլը մարսողը չի. Ինչից են վախեցած Սարգսյանները Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն