Նիկոլը պատժելո՞ւ է ոչ միայն կառավարությանը եւ պարետատանը, այլ նաւե ողջ ժողովրդին այդպես արհամարած սեփական մանկության ընկերոջը

Երեկ երեկոյան «Փաստինֆոն» տեղեկացրեց, որ ՀՀ ոստիկանության բարձրաստիճան ոստիկանները` ՀՀ ոստիկանապետ Վահե Ղազարյանի գլխավորությամբ խնջույքի են կազմակերպել «Ծիրանի» ռեստորանային համալիրում: «Տարածքում գտնվող մեր լրագրողը նկատել է շուրջ երկու տասնյակի հասնող ծառայողական` ոստիկանության, պետական համարանիշերով, ինչպես նաեւ ճանապարհային ոստիկանության ուղեկցող ավտոմեքենաներ: Խնջույքի առիթը, ըստ մեր ունեցած տեղեկությունների, Արցախի Հանրապետության նորանշանակ ոստիկանապետ, ոստիկանության գեներալ – մայոր Աշոտ Հակոբջանյանի հայաստանյան այցն է, ում տարել են հյուրասիրության` այն վերածելով իսկական տոնախմբության: Արդեն ժամեր տևող խնջույքի աղմուկն այնքան մեծ է, որ  գրավել  նաև ռեստորանի այլ այցելուների ուշադրությունը: Հիշեցնենք, որ համավարակով պայմանավորված, պարետատան սահմանած կանոնների համաձայն՝ բազմամարդ հավաքներն ու խնջույքները ՀՀ տարածքում արգելված են: Ստացվում է սակայն՝ վարչապետ Նիկոլ Փաշինյանի մանկության ընկեր հանդիսացող ՀՀ ոստիկանապետ Վահե Ղազարյանը ոչ միայն չի հետևում պարետատան սահմանած հակահամաճարակային կանոններին, այլև արհամարհելով վարչապետ Նիկոլ Փաշինյանի բազմաթիվ հորդորները՝ վտանգում է իր և իր շրջապատի անդամների առողջությունն ու խնջույքներ կազմակերպում: Հետաքրքիր է, պատասխանատվության ինչ միջոցներ կձեռնարկի պարետատունը, երկրի վարչապետը, որ իր համաերկրացին խախտում է օրենքը, թե այնուամենայնիվ օրենքի առաջ ոչ բոլորն են հավասար»,– գրում է կայքը:

Նման հավաքը, իրոք, պարետի բոլոր որոշումները եւ Նիկոլի հրահանգները մեկ փաթեթող աղբաման լցելու է նմանվում։ Իսկ ամենավատն այն է, որ պարետի որոշումների վրա թքում են նրանք, որոնց աշխատակիցները գիշեր ու զոր բառացիորեն ասֆալտին են փռում կամ լավագույն դեպքում՝ տուգանում դիմակ չդնողներին՝ չնայելով սեռ, տարիք եւ ցանկացած այլ հանգամանք։ Դե ուրեմն սպասենք՝ Նիկոլը պատժելո՞ւ է ոչ միայն կառավարությանը եւ պարետատանը, այլ նաւե ողջ ժողովրդին այդպես արհամարած սեփական մանկության ընկերոջը։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ