Համայն Ռուսիո պատրիարքը դիմել է Հայաստանի եւ Ադրբեջանի կրոնական առաջնորդներին

Համայն Ռուսիո պատրիարք Կիրիլը կոչ է արել Հայաստանին ու Ադրբեջանին երկխոսություն սկսել եւ չգնալ ծայրահեղական քայլերի: Այս մասին հայտարարություն է տեղադրվել պատրիարքարանի պաշտոնական էջում:

«Այսօր Ռուսաստանի Ուղղափառ եկեղեցին հակամարտության երկու կողմերին կոչ է անում երկխոսել: Ես կոչ եմ անում ձեզ չհետևել այն ուժերի առաջնորդությանը, որոնք օգուտ են քաղում Կովկասում լարվածության աճից»,- ասվում է Պատրիարքի կոչում: Պատրիարքը շեշտել է, որ Կովկասում նոր պատերազմը կհանգեցնի ահաբեկչության և ծայրահեղականության, որը երկար ժամանակ կզրկի տարածաշրջանը խաղաղությունից և հանգստությունից:

«Ես խնդրում եմ ձեզ, սիրելի՛ եղբայրներ, պահպանել այն նվաճումները, որոնք մեզ հաջողվել է համախմբել եղբայրական հանդիպումների ժամանակ»,- դիմել է նա Ադրբեջանի և Հայաստանի կրոնական առաջնորդներին: Համայն Ռուսիո Պատրիարք Կիրիլը եզրափակել է, որ պատրիարքարանը աղոթում է հակամարտության արագ լուծման համար:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար