Կյանքից հեռացել է Ալեքսանդր Քոչարյանը

Հայաստանի թատերական գործիչների միությունը Խորը ցավով տեղեկացնում է, որ այսօր կյանքից հեռացել է բեմադրիչ, դերասան, բազմավաստակ մանկավարժ, պրոֆեսոր ԱԼԵՔՍԱՆԴՐ ՔՈՉԱՐՅԱՆԸ:

«Մեր խորին ցավակցություններն ենք հայտնում Ա. Քոչարյանի ընտանիքին, հարազատներին եւ գործընկերներին», - ասված է ՀԹԳՄ հաղորդագրության մեջ։

Ա. Քոչարյանը ծնվել է 1938 թվականին, Երեւանում: 1955-1958 թվականներին սովորել է Երեւանի գեղարվեստա-թատերական ինստիտուտի դերասանական բաժնում, 1962-1970 թվականներին եղել է նույն ինստիտուտի ասպիրանտ։ Եղել է Կապանի շրջանային թատրոնի դերասան, որտեղ մարմնավորել է գլխավոր եւ երկրորդական դերեր։ 1971-1986 թվականներին եղել է Երեւանի գեղարվեստա-թատերական ինստիտուտի թատերական ‎ֆակուլտետի դեկանը, 1986-1996 թվականներին՝ ուսումնագիտական գծով պրոռեկտորը։ 1992 թվականից դասավանդել է Երեւանի Խ. Աբովյանի անվան հայկական պետական ինստիտուտում: 1998 թվականից եղել է ինստիտուտի մասսայական հանդիսությունների ռեժիսուրայի եւ մշակութաբանության ամբիոնի վարիչը:

Նրա բեմադրություններից առավել հայտնի են` Գի Արեկասիս «Եկվորը Ռանգունից», Ալեքսանդր Դյումա-որդու «Լրտեսի հետքերով», Ժ. Մարիելի «Թանկագին սեր» ներկայացումները:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար