Մենք նահանջելու տեղ չունենք` այդ կամքի ու դրա բարձր գիտակցումը մեզ մղում է ապրել ու արարել.Կոտայքի թեմի առաջնորդ Տ. ԱՌԱՔԵԼ արքեպիսկոպոս ՔԱՐԱՄՅԱՆ

Հոգեւորականները, ինչպես մեր պատմության ողջ ընթացքում, այսօր էլ կանգնած են մեր  զինվորների կողքին: «Հակառակորդի սադրիչ գործողությունները չեն կարող ազդել մեր ներդաշնակության վրա ու ընդհատել մեր կյանքի ռիթմը: Մենք նահանջելու տեղ չունենք: Հետեւաբար, այդ կամքի ու դրա բարձր գիտակցումը թե՛ պատերազմի, թե՛ խաղաղության ժամանակ մեզ մղում է ապրելու՝ արարելով առանց վախի ու տագնապի, այդուհանդերձ, միշտ մտահոգություն ունենալով, որ խաղաղությունն ինչ-որ պահի կարող է խաթարվել»: «Իրավունքի» հետ զրույցում, անդրադառնալով սահմանային իրավիճակին, ասաց Հայ առաքելական եկեղեցու Կոտայքի թեմի առաջնորդ Տ. ԱՌԱՔԵԼ արքեպիսկոպոս ՔԱՐԱՄՅԱՆԸ` ընդգծելով.

- Պետության զորությունն ու հզորությունը կապված չէ իր զենքի տեսակից, ազգաբնակչության կամ զինվորների քանակից: Ո՛չ, պետության հզորությունը կապված է միայն զինվորի մարտունակ ոգուց, որը տավուշյան մարտերի ժամանակ մեկ անգամ եւս ապացուցեցին մեր զինվորները: Մեր մարտունակ ոգին դարերի ընթացքում` Ավարայրից մինչեւ Սարդարապատ, Արցախից մինչեւ մեր օրերը, սերնդեսերունդ է փոխանցվել: Հայի աննկուն ոգին չունի աշխարհում եւ ոչ մի ազգ: Ճիշտ է, հայ ազգը իր բնավորությամբ, իր կեցվածքով բարի է, մարդասեր է, հայի կրծքի մեջ բաբախում է բարության ոգին, բայց այդ բարության ոգին ապրում է այնքան ժամանակ, մինչեւ որ ամեն ինչ խաղաղ է: Բայց Աստված մի արասցե,որ հային մեկը ձեռնոց նետի: Եթե ուզում են մեզ հետ պատերազմել, մեր հողն ու սրբությունները ավերել, յուրացնել, ուրեմն թող վստահ լինեն, որ հայի բարի ոգին միանգամից վերափոխվում եւ առյուծի քաջությամբ մարտնչում է իր հողի, իր ջրի համար: Եվ պատահական չէր, որ Ավարայրի դաշտում, երբ Վարդանը հրավիրում է բոլորին, որ պատերազմի գնան, մեր հայ հոգեւորականները Ղեւոնդ երեցի գլխավորությամբ ասացին. «Ո՛չ հուրը, ո՛չ ջուրը` ո՛չ մի դառնություն մեզ չի կարող փոխել»: Նույն այդ ոգով ապրում ու առաջնորդվում ենք նաեւ այսօր: Եվ տավուշյան վերջին մարտերը ցույց տվեցին, որ հայը ցանկացած պահի պատրատ է թշնամուն արժանի հակահարված տալ եւ ծանր կորուստներով հետ շպրտել: Ես, որպես հոգեւորական, միայն մեկ պատգամ ունեմ. Օրհնվեք Դուք, հերո՛ս տղաներ` շարքայինից մինչեւ գեներալ, Աստծո, եկեղեցու հետ լինեք: Աստծո սիրո եւ Ձեր մարտական ոգու առաջ անզոր են թշնամու ե՛ւ սուրը, ե՛ւ թուրը: Տիրոջ օրհնությունը Ձեզ հետ` Աստված պահապան հայ զինվորին, հայ սպային, մեր սահմաններին: Հիշեք, լույսը միշտ էլ ցրում է խավարը, մենք միշտ էլ հաղթելու ենք հերոս տղաներ:

Զրույցը` ԻԼՈՆԱ ԱԶԱՐՅԱՆԻ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Իջեւան համայնքի առեղծվածն ու զարգացման գաղտնիքը