Հայ բառը գործող իշխանությանը շատ է խանգարում. Մերուժան Տեր-Գուլանյան

Ինչպես արդեն տեղեկացանք, հանրակրթական դպրոցում «Գրականություն» առարկայի նոր չափորոշիչների ծրագրերի նախագծում հանվել է «Հայ Գրականություն» առարկայի «հայ» բառը: Ըստ հանրակրթության հայոց լեզվի և գրականության չափորոշիչ և ծրագիր մշակող հանձնախմբի համակարգող Թամարա Ալեքսանյանի` հայ գրականությունը համաշխարհային գրականության մի մասնիկն է, այդքան մի բան:

Այս մասին զրուցեցինք գրող, «Անդին» ամսագրի գլխավոր խմբագիր Մերուժան Տեր-Գուլանյանի հետ:

Մերուժան Տեր-Գուլանյանի կարծիքով` այն ամենն ինչ այսօր տեղի է ունենում Հայաստանում շատ տարօրինակ է: 

«Ադրբեջանը հարձակվում է, մերոնք հաղթում են, փոխանակ հենց նույն օրը Ազգային ժողովը հրավիրի Հայաստանում բոլոր դեսպաններին, և ներկայացնի, թե սահմանում ինչ է կատարվում, զարմանալիորեն ինչ-ինչ անհասկանալի օրենքի նախագծեր է քննարկում, այնպես, կարծես թե ոչինչ էլ չի պատահել»:

Ըստ Մերուժան Տեր-Գուլանյանի` շատ հետաքրքիր է, թե ինչպես է ընթանում հայաստանյան կրթության հարցն առհասարակ: 

«Ինձ ապշեցրեց հայ գրականություն առարկայի հայ բառը հանելու որոշումը: Հավանաբար հաջորդ քայլն ուղղված է լինելու հայոց պատմության հայոց բառի դեմ, իսկ հետո հայոց լեզվի հայոց բառի և ընդհանրապես: Հայ բառը գործող իշխանությանը շատ է խանգարում: Խանգարում է ապշելու ձևով: Այս ամենն ինձ համար իսկապես շատ անհասկանալի է»:

Գրողի դիտարկմամբ` եթե կա ցանկություն, որ երեխաները դպրոցում սովորեն նաև արտասահմանյան գրականություն, ապա կարելի հրատարակել նման դասագիրք և անցնել նաև արտասահմանյան գրականություն, բայց հայ գրականությունը պետք է մնա հենց որպես հայ գրականություն: 

«Եթե այսպես շարունակվի Հայաստանի անունը ևս կփոխվի, քանի որ Հայաստան բառը կարծես շատերին է խանգարում: Կարելի է օրինակ Հայաստանի փոխարեն ասել պարզապես Նոր Հանրապետություն, այլ ոչ թե Հայաստանի Հանրապետություն: Այս ամենն ուղղակի սահմռկեցուցիչ է, և ես մարդկայինորեն վիրավոչված եմ, շատ վիրավորված եմ: Իշխանություններն ամեն կերպ փորձում են հայ բառը ջնջել, սակայն աշխարհում չկա մի ռետին, որ կարողանա ջնջել հայ բառը: Երբևեիցե այդ ռետինը չի լինելու, չի լինելու և վերջ..»

Հայկ Գևորգյան 

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան ՇՏԱՊ. 36-ամյա գործարարին մահացած են գտել. Հրապարակ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն