Փուլ առ փուլ իրականացվում է «նաեւ Ադրբեջանի ժողովրդի համար ընդունելի» լուծումը. քաղաքագետ

Քաղաքագետ Սուրեն Սարգսյանը տեղեկացրել է Ադրբեջանի, այսպես կոչված, «գրավյալ» տարածքներից 1991 թվականից ի վեր տարհանվածների ու նաեւ այդ տարածքներում զոհվածների թվի մասին զեկույց պատրաստվելու կապակցությամբ ԱՄՆ Կոնգրեսում շրջանառության մեջ դրված նախագծի մասին: Անդրադառնալով վերոնշյալին՝ ամերիկաբնակ քաղաքագետ, իրավաբան ՌՈԲԵՐՏ ՄԱՐԳԱՐՅԱՆԸ գրում է. «Դա հաջորդեց ներկա ձեւաչափով բանակցային գործընթացին մասնակցելուց հրաժարվելու մասին Ադրբեջանի պաշտոնական հայտարարությանը: Վերջին ամիսներին ուշագրավ ակտիվություն է ցուցաբերում նաեւ ԼՂ-ի, այսպես կոչված, «ադրբեջանական համայնքի» ներկայացուցիչը փորձելով մշտապես լրատվական դաշտի ուշադրության կենտրոնում պահել արհեստականորեն ստեղծված այդ «համայնքը»: Դա ենթադրյալ այն համայնքն է, որի մասին պահանջում է վիճակագրական տվյալներ հավաքել ԱՄՆ Կոնգրեսի նախագիծը: Այս ամբողջը մասնավորապես ուշադրության արժանի են դառնում վերջին շրջանում հայ-ադրբեջանական սահմանին իրավիճակի սրման շրջագծում, ինչը վկայում է այն մասին, թե ակտիվորեն առաջ է մղվում Արցախի հարցը մեկ այլ հարթակում ու ձևաչափով կարգավորելու պլանը:

Իհարկե, Արցախի հարցի կարգավորման բանակցային գործընթացի ձեւաչափում փոփոխություն մտցնելու նախաձեռնությունն առաջին հերթին պատկանում է հենց ՀՀ վարչապետ Նիկոլ Փաշինյանին, ով Հայաստանում իշխանության ղեկը ստանձնելուց հետո՝ հայտարարեց Արցախը բանակցային գործընթաց վերադարձնելու անհրաժեշտության մասին: Դժվար չէր գուշակել, որ դրան հեշտությամբ չէր համաձայնելու Ալիեւը եւ, բնականաբար, ներկայացնելու էր բանակցային ձեւաչափում փոփոխություն մտցնելու դիմաց Հայաստանից պահանջվող գինը:

Վերջին զարգացումները բացահայտում են Հայաստանի կողմից վճարվելիք գնի ծանրությունը: Օրինականություն փոխանցելով «ադրբեջանական համայնքին» նրան ներառել բանակցային գործընթացում: Թեեւ դա նշանակում է հավասարության վտանգավոր նշան դնել Արցախի ժողովրդի եւ ադրբեջանական համայնք կոչվածի միջեւ, բայց միեւնույն ժամանակ դա հենց այն առավելագույնն է, որին բանակցային գործընթացում կարող էր հավակնել Ադրբեջանի ժողովուրդը: Հիշենք ՀՀ վարչապետի կողմից բազմիցս հնչեցված այն գաղափարը, թե Արցախի հարցի ցանկացած լուծում ընդունելի պիտի լինի նաեւ Ադրբեջանի ժողովրդի համար»:

Այս թեմայով Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թույլ չտա՛նք, որ զանազան մանիպուլյացիաներով արժեզրկեն մեր անցյալի հաղթանակները․ Սերժ Սարգսյան Բաքուն լուծում է հիմնարար խնդիր՝ հայերի վրա փակցնել «եկվոր ժողովրդի» պիտակ. Օկուպացված Արցախի պատգամավոր Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար