Մասնագետի կանխատեսում. Կորոնավիրուսի երկրորդ ալիքը պակաս դաժան կլինի

COVID-19 կորոնավիրուսային ինֆեկցիայի երկրորդ ալիքը պակաս դաժան կլինի, քան առաջինը, քանի որ վիրուսը զգալիորեն թուլացած կլինի ամառային ամիսներին ուլտրամանուշակագույն ճառագայթման ազդեցությամբ: Այսպիսի կարծիք է հայտնել իմունաբան, Միլանի պետական համալսարանի պրոֆեսոր Մարիո Կլերիչին:

Մարիո Կլերիչին ղեկավարել է Միլանի պետհամալսարանի իմունաբանների եւ Իտալիայի Աստղաֆիզիկայի ազգային ինստիտուտի (INAF) մասնագետների համատեղ հետազոտությունը, որը նվիրված էր կորոնավիրուսի վրա արեգակի սպեկտրի ուլտրամանուշակագույն ճառագայթման ազդեցության խնդրին, հայտնում է «ՌԻԱ Նովոստի»-ն: Հետազոտության արդյունքների նախնական հրապարակումը կատարվել էր հունիսին:

Հետազոտությունը ցույց է տվել, որ նույնիսկ փոքր չափաքանակով ուլտրամանուշակագույնի ազդեցությունը տառացիորեն հաշված վայրկյանների ընթացքում կարող է նոր կորոնավիրուսը լիակատար ապաակտիվացման բերել: Գիտնականները նաեւ կապ են հայտնաբերել արեգակնային ճառագայթման մակարդակի եւ աշխարհի տարբեր տարածաշրջաններում համաճարակաբանական իրավիճակի միջեւ. կոնկրետ վայրում որքան բարձր էր ուլտրամանուշակագույն ճառագայթման մակարդակը, այնքան այնտեղ ավելի քիչ էին գրանցվում կորոնավիրուսով վարակման դեպքեր:

Կլերիչիի խոսքով՝ դեռեւս դժվար է ասել, թե ինչ տեղի կունենա աշնանը, եւ կլինի՞ արդյոք կորոնավիրուսի երկրորդ ալիք: Մասնագետն ինքը կարծում է, որ կլինի, բայց ամռանից հետո կլինի «զգալիորեն ավելի թեթեւ, քան այն, որի հետ ստիպված էինք գործ ունենալ գարնանը»:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Հայտնի են Պետդումայի ընտրությունների քվեարկության երկրորդ օրվա էքզիթ փոլի արդյունքները ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով