Այսօր սիրված  դերասանուհի, ՀՀ ժողովրդական արտիստ ԳԱԼՅԱ ՆՈՎԵՆՑԻ մահվան օրն է

Հուլիսի 22-ին մեր բոլորի կողմից սիրված  դերասանուհի, ՀՀ ժողովրդական արտիստ, Հայ եկեղեցու կողմից պարգևատրված Սուրբ Սահակ, Սուրբ Մեսրոպե բարձրագույն մեդալով Գալյա Նովենցը մահվան օրն է:  Ցավալի է, որ կյանքից հեռանում են այնպիսի արտիստներ, որոնց ներկայությունն անհրաժեշտ է մեր երկրին ու մշակույթին: Սակայն կյանքի չգրված օրենքների դեմ բոլորս անզոր ենք: Գալյա Նովենցի կերտած կերպարներում հայ կինն է իր բոլոր առավելություններով և ինչո՞ւ չէ նաև թերություններով: Ֆիլմերում արտաբերած նրա նախադասություններից շատերը դարձել են թևավոր խոսքեր: «Ուստա Մուկուչ տեղդ վերընկիր», «Կեղնի մե օր, որ երկնքից տեսնիմ, թե էս աշխարհն ընչի է ըսպես ծուռ», «Լավ եմ անում կուզեմ կվառեմ, կմարեմ վառեմ մարեմ», «Կասեմ մեկ, երկու, երեք բարձր կխնդաք» և այսպես շատ ու շատ արտահայտություններ: Միայն նա կարող էր այնպիսի քաղցրությամբ արտաբերել յուրաքանչյուր բառ, որ կմտներ յուրաքանչյուրիս կյանք ու կենցաղ: Իր խաղացած դերերով նա ընդմիշտ կմնա բոլորիս սրտում: Հանգչիր խաղաղությամբ մեր սիրելի դերասանուհի:

Նունե Զաքարյան

Հ.Գ-- ԿԵՆՍԱԳՐՈՒԹՅՈՒՆԸ

Գալյա Նովենցը (1937թ. հուլիսի 1 - 2012թ. հուլիսի 22) թատրոնի և կինոյի հայ դերասանուհի, Հայաստանի Հանրապետության ժողովրդական արտիստուհի էր։ 1954-1958թթ. սովորել է Երևանի գեղարվեստաթատերական ինստիտուտի դերասանական բաժնում: 1958-1961թթ. աշխատել է Կապանի, 1961-1971թթ., 1983-1995թթ.`   Երևանի Սունդուկյանի անվան, 1971-1977թթ.`   Գյումրու, 1977-1983թթ.`   Երևանի Հ. Ղափլանյանի անվան դրամատիկական թատրոններում: Թատրոնում կերտել է բազմաթիվ դերեր: Նկարահանվել է նաև բազմաթիվ ֆիլմերում`   «Բարև, ես եմ», «Հեղնար աղբյուր», «Մենք ենք, մեր սարերը», «Նահապետ», «Գիքորը», «Մեր մանկության տանգոն», «Կարոտ», «Որտեղ էիր, մարդ Աստծո» և այլն: 1985թ. Վենետիկի և Մինսկի կինոփառատոների ժամանակ «Մեր մանկության տանգոն» ֆիլմում լավագույն դերակատարման համար արժանացել է ժյուրիի բարձր գնահատականի և մրցանակի: 2007թ. արժանացել է ՀՀ ժողովրդական արտիստի կոչմանը: 2008թ. երևանյան «Արտավազդ» թատերական ամենամյա փառատոնի ժամանակ արժանացել է «Հատուկ մրցանակի»: Ստացել է նաև ՀՀ Պետական մրցանակ, «Սուրբ Սահակ-Սուրբ Մեսրոպ» բարձրագույն մեդալ: 1995թ.-ից բնակվել է ԱՄՆ-ի Լոս Անջելես քաղաքում, որտեղ էլ և մահացել է: Թաղված է Երևանի քաղաքային պանթեոնում:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները Աշխարհում չկա ավելի հզոր ուժ, քան գիտելիքը. Հայտնի փաստաբանը Գիտելիքի օրվա առթիվ Մանրամասներ՝ Գեղարքունիքի մարզում 23-ամյա զինծառայողի մահվան դեպքից․ նա իր ազգականին հաղորդագրություն է ուղարկել