Ինչ եղավ ԲՀԿ-ի դիմումը Սահմանադրական դատարանին

ԱԺ «Բարգավաճ Հայաստան» խմբակցությունը եւ անկախ պատգամավոր Տիգրան Ուրիխանյանը օրենքով սահմանված ժամկետում խորհրդարանում իմքայլականների կողմից ընդունված Սահմանադրական փոփոխությունների օրենքի հարցով ՀՀ Սահմանադրական դատարան էին ուղարկել դիմում, որպեսզի այն վարույթ ընդունվեր: Հիշեցնենք, որ վերոնշյալ օրինագիծը վերաբերում էր ՍԴ երեք դատավորների աշխատանքից ազատմանն ու Հրայր Թովմասյանին ՍԴ նախագահի պաշտոնից հանելուն: Թե ինչ եղավ այդ դիմումը, «Իրավունքը» հետաքրքրվեց սահմանադրական իրավունքի մասնագետ, իրավաբան ՎԱՀԵ ԳՐԻԳՈՐՅԱՆԻՑ:

- ՍԴ-ում, ինչպես տեղյակ ենք մամուլից եւ նաեւ ՍԴ աշխատակազմի տարածած հայտարարությունից, քվորումի բացակայության հիմքով գործերի քննության ընդունելու հարցերը չեն քննարկվում: Իսկ եթե այն ընդունվի վարույթ, ապա դրանից հետո` 6-ամսյա ժամկետում կամ ՍԴ-ի որոշմամբ` եւս երեք ամիս երկարաձգելով, պետք է հարցը քննվի: Այսինքն` առավելագույնը 9 ամիս ժամկետ կարող է տրամադրվել այս գործի քննությանը:

– Ըստ էության, կարելի՞ է ասել, որ երկու ճանապարհ կա ՍԴ բնականոն աշխատանքը վերականգնելու` ՄԻԵԴ-ի առաջիկա որոշումը կամ ԲՀԿ-ի դիմումին ընթացք տալը:

– ՍԴ-ն եթե ընդունի «Բարգավաճ Հայաստան» խմբակցության ներկայացրած դիմումը վարույթ, ապա կարելի է ենթադրել, որ որոշման առկայության դեպքում Սահմանադրական դատարանի շուրջ ստեղծված արհեստական ճգնաժամը կհանգուցալուծվի օրինական ճանապարհով: Իհարկե, որոշ իրավագետների կողմից, եթե կարելի է նրանց իրավաբան անվանել, ինչի վերաբերյալ շատ խորը կասկածներ կարելի է արտահայտել, պնդում են, թե ՍԴ-ն չի կարող այդ սահմանադրական փոփոխությունների նախագիծը քննել, քանի որ հարցը վերաբերում է ուղղակիորեն իրեն: Սակայն եթե շարժվենք այդ կանխավարկվածով, ապա Ազգային ժողովը չի կարող ընդունել օրենքներ, որոնք կապված են Ազգային ժողովի հետ: Օրինակ` չի կարող կատարել փոփոխություններ ԱԺ կանոնակարգ-սահմանադրական օրենքում, կառավարությունն իրավունք չպետք է ունենա ներկայացնել նախագիծ կառավարության կառուցվածքի վերաբերյալ եւ այլն, սա միանշանակ խելագարության կանխավարկածն է:

ՀՐԱՆՏ ՍԱՐԱՖՅԱՆ

Այս թեմայով Իրանում հանդիսավորությամբ նշվել է Հայաստանի Անկախության տոնը Միացյալ Նահանգները Նիդեռլանդներին կոչ է արել դուրս գալ Միջազգային քրեական դատարանի կազմից Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Գեւորգ Սուջյանը նորություն ունի