10-15 օրից կտեսնենք Սևանա լճի պարզեցում, բայց դա չի նշանակի, որ էկոլոգիական խնդիրը բարելավվել է. Բնապահպան

Սևանա լճի ափին այսօր ընթանում է «Կանաչ ապագա» բնապահպանական հասարակական կազմակերպության հիմնադիր համագումարը:
Ինչպես միջոցառման ընթացքում ասաց ԳԱԱ կենդանաբանության և հիդրոէկոլոգիայի գիտական կենտրոնի ներկայացուցիչ Գոռ Գևորգյանը, Սևանի էկոլգիական խնդիրներն ի հայտ են եկել դեռևս 1930-ական թվականներին:

«90-ականներից առաջացավ էկոլոգիական երկրորրդ խնդիրը, երբ էներգետիկ ճգնաժամի ֆոնին որոշվեց լճի ջուրն օգտագործել էներգետիկ նպատակով: Այդ ժամանակ ջրի մակարդակն իջավ մոտ 20 մետրով: Իսկ ահա լճի ծաղկման գործընթացները սկսել են դեռևս 60-70-ական թվականներին՝ շարունակվելով 90-ականներին և այսօր:

Հավանաբար 10-15 օրից կտեսնենք ջրի պարզեցում, բայց դա չի նշանակի, որ էկոլոգիական խնդիրը բարելավվել է: Պարզեցման պատճառը կլինի ջրիմուռների համար սնունդ հանդիսացող ֆոսֆորի սպառումը, սակայն քայքայված ջրիմուռները նորից առժամանակ հետ կվերածվեն ֆոսֆորի», - նշեց բանախոսը:

Գոռ Գևորգյանը շեշտեց՝ Սևանա լճի ինքնամաքրումը կարող է ընդհուպ տասնյակ տարիներ տևել: Այս հարցում կարևոր է մաքրման կայանների տեղակայումը, մինչդեռ առանց դրանց՝ կոյուղաջրերն առանց մաքրվելու լցվում են լիճը:

Վերջում բանախոսն ազգաբնակչությանը խորհուրդ տվեց զերծ մնալ «ծաղկած ջրերում» լողալուց, քանի որ թունավոր նյութերը խիստ վտանգավոր են մարդկանց առողջության համար:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ