Ավելի քան 40 հազար անվադող՝ Տավուշի սահմանի ամրացման համար (Լուսանկարներ)

Վերջին 4 օրերի ընթացքում սահմանի ամրացման նպատակով Տավուշի մարզ է տեղափոխվել ավելի քան 40 հազար անվադող, Aysor.am-ի հետ զրույցում ասաց «Տիգրան Աբգարյան մարտական պատրաստության ակումբի» և նախաձեռնության համակարգող Ժորա Աբգարյանը: Վերջինս Ապրիլյան պատերազմում զոհված Տիգրան Աբգարյանի եղբայրն է:

«Նախաձեռնությանը միացել են տասնյակից ավելի քաղաքներ, որտեղ հավաքում են ու հետո համակարգված տեղափոխում ենք սահմանային գոտի», - ասաց Ժորա Աբգարյանը:

Նրա խոսքով՝ սոցիալական ցանցերում նախաձեռնությունն ունի խմբեր, որոնց միջոցով կարելի է միանալ դրան:

Ակումբի նախաձեռնությունը նոր չէ: 3 տարուց ավելի զբաղվում են այս գործով ու անվադողեր ուղարկում Արցախի ու ՀՀ-ի սահմանային այլ ուղղությունների համար ևս:

«Միայն վերջին տարվա ընթացքում 150-ից 200 բեռնատար անվադող ենք տեղափոխել», - ասաց Ժորա Աբգարյանը:

Համակարգողները համագործակցում են Պաշտպանության նախարարության հետ՝ ճշտելու համար, թե հատկապես որ ուղղություններով անվադողերի կարիք կա:

«Ամեն ինչ համաձայնեցնում ենք ՊՆ-ի հետ: Հենց այնպես ուղղակի զորամասերի հետ չենք կապվում ու տանում: Ամեն ինչ ճշտում ենք, որպեսզի տանենք այն ուղղությամբ, որտեղ առավել կարիքը կա», - ասաց Ժորա Աբգարյանը:

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար