Իշխանազավթ ապազգայինները վարպետորեն, այստեղ էլ փորձեցին օգտվել առիթից՝ Բանակի հաղթանակները իրենց կառավարման «արդյունավետությանը» վերագրելով. Գևորգ Գևորգյան

Վերջին օրերի ադրբեջանական ռազմական ագրեսիան չեզոքացրած մեր Բանակը, կրկին անգամ ապացուցեց, որ տարածաշրջանի ամենամարտունակ, ամենապատրաստված Բանակներից է: Սա զուտ ռազմական առումով, իսկ բարոյահոգեբանական տեսանկյունից, ամենատոկունն է: Բազմիցս ասել եմ, էլի եմ կրկնում, հայ զինվորը մարտնչում է արդարության և իր ազատ հայրենիքը պահելու համար և սա է մեր հաղթանակների գլխավոր բանալին: Մենք զարմանալի Ազգ ենք, ըմբոստ, խաղաղ ժամանակ իրար անխնա քննադատող, հայացքների տարբերության, առավելևս հակադրության պատճառով միմյանց դեմ անողոք պայքարող, բայց օրհասական պահերին արագ համախմբվող:
Հենց դա մեր գենն է, ընդդեմ թշնամու՝ մենք ժամերի ընթացքում աշխարհասփյուռ հայերով մի բռունցք ենք դառնում:
Այդպես եղավ վերջին օրերին ընթացքում էլ: Ինձ զանգահարում էին ծանոթ, անծանոթ, անգամ ֆեյսբուքյան ընկերներ, աշխարհի տարբեր երկրներից ու բոլորի հարցը մեկն էր. ինչ իրավիճակ է սահմանում, ինչ է հարկավոր, ցանկացած պահի մենք պատրաստ ենք:
Սա գալիս է կրկին անգամ հավաստելու, որ Բանակն Ազգն է, որովհետև պետականություն և սահման պահողը Ազգն է, և ոչ երբեք սեփական ռեյտինգի համար «մարտնչող» իշխանությունը:
Վերջին օրերը, մի էական հանգամանք էլ ի ցույց դրեցին, այս իրավիճակում, մինչ շատ ընդդիմադիրներ ձեռնպահ մնացին անգամ առողջ քննադատությունից, ազգային համերաշխության մեսիջներ տալով, իշխանազավթ ապազգայինները վարպետորեն, այստեղ էլ փորձեցին օգտվել առիթից՝ Բանակի հաղթանակները իրենց կառավարման «արդյունավետությանը» վերագրելով: Պոպուլիստները նաև քաղաքական արհեստավարժ սպեկուլյանտներ են, փաստորեն:
Տեսնես ինչ ֆաբրիկաներում են բուծվել այս տեսակները, որ անգամ պատերազմը չի կարող նրանց հետ կանգնեցնել սեփական շահը գերադասելու մոլուցքից:
Հեռու՛ մնացեք Բանակից, Բանակն Ազգինն է և Բանակ պահողը Ազգն է:
Հ.Գ. Փաշինյան Նիկոլ, նոր կետդ ջնջեցի՞ր արդեն, ո՞նց «հասկացար», որ սահմանին մշտադիտարկման մեխանիզմներ են պետք, ու Սանկտ Պետերբուրգի, Վիեննայի պայմանավորվածություններն են ճիշտ:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Իջեւան համայնքի առեղծվածն ու զարգացման գաղտնիքը