Վատ է, երբ խելացին է քեզ հայհոյում, ավելի վատ է, երբ գովաբանում է հիմարը. ՍԵՐԳԵՅ ՓԱՐԱՋԱՆՈՎ

Այսօր հայ մեծանուն ռեժիսոր Սերգեյ Փարաջանովի մահվան օրն է: Նրա ապրած կյանքը լի էր դժվարին պահերով և իրադարձություններով: Կյանքը նրան բազմիցս փորձության է ենթարկել: Սակայն դա չի խանգարել նրա ստեղծագործական տաղանդին:

Մի առիթով տաղանդավոր ռեժիսորը  ասել է.«Վատ է, երբ խելացին է քեզ հայհոյում, ավելի վատ է, երբ գովաբանում է հիմարը»:  

Երբեք Չհարմարվելով իշխանություններին  Իր սիրելի գրքերից խոսելիս՝ ասում է. «Ես իմ կյանքի ընթացքում երկու գիրք եմ կարդացել՝ «Չոփչոփիկ»-ն և «Քեռի Ստյոպա»-ն: «Ես այլախոհ չեմ, պարզապես անիծված ռեժիսոր եմ: Ինձ դա դուր չի գալիս: Ես անհանգիստ եմ»:

1991 թ-ից Երևանում գործում է Փարաջանովի թանգարանը, որտեղ ցուցադրվում են նրա գծանկարները, կոլաժները, մանրանկարները և Թբիլիսիի բնակարանից բերված կահ-կարասին:

ԿԵՆՍԱԳՐՈՒԹՅՈՒՆԸ

Հայ մեծանուն կինոռեժիսոր Սերգեյ Փարաջանովը ծնվել է 1924թ.-ի հունվարի 9-ին Թբիլիսիում։ Երգեցողություն և նկարչություն սովորելուց հետո`   1946թ., ընդունվում է Մոսկվայի կինեմատոգրաֆիայի պետական ինստիտուտ, որտեղ դասավանդում էին Ալեքսանդր Դովժենկոն, Միխայիլ Ռոմը և ուրիշներ:

1964 թվականին Փարաջանովը նկարահանել է «Մոռացված նախնիների ստվերները» ֆիլմը, որը դարձել է 1960-ական թվականների խորհրդային կինոյի ամենավառ իրադարձություններից մեկը և իր տեղը զբաղեցրել այնպիսի հայտնի ֆիլմերի կողքին, ինչպիսիք են Միխայիլ Կալատոզովի «Թռչում են կռունկները», Գրիգորի Չուխրայի «Բալլադ զինվորի մասին» և Անդրեյ Տարկովսկու «Իվանի մանկությունը»։

Փարաջանովի գլուխգործոցը կարելի է համարել «Նռան գույնը» (1968թ.), որը պատմում է թբիլիսահայ աշուղ Սայաթ-Նովայի կյանքի մասին։ Երկու լիամետրաժ ֆիլմերն էլ ենթարկվել են խորհրդային գրաքննությանը։ Կառավարությունը փոխում է իր վերաբերմունքը Փարաջանովի հանդեպ և 1973 թվականի դեկտեմբերի 17-ին 5 տարի ազատազրկմամբ բանտարկում:

Փարաջանովի ազատազրկմանն արձագանքել են բազմաթիվ հայտնի մարդիկ՝ արվեստագետներ, գրողներ և ռեժիսորներ։ Եվ չնայած դրան՝ նրան միայն 4 տարի անց են ազատել ֆրանսիացի սյուրռեալիստ Լուի Արագոնի միջամտությամբ։ Թբիլիսիում ապրելու ժամանակ Փարաջանովին արգելել էին ֆիլմեր նկարահանել, սակայն 80-ական թթ. նրան թույլատրել են նկարել «Սուրամի ամրոցի լեգենդը» (1984թ.), «Աշուղ ղարիբը»։

Կյանքի վերջին տարիներին Փարաջանովը նկարում էր ինքնակենսագրական «Խոստովանանք» ֆիլմը, որն անավարտ է մնացել և հետագայում ամբողջությամբ օգտագործվել Միքայել Վարդանովի «Փարաջանով։ Վերջին Գարուն» (1992թ.) վավերագրական ֆիլմում։ Փարաջանովը մահացել է 1990 թվականի հուլիսին 20-ին:

Ներկայացնում ենք նրա գործերը

1964թ.Մոռացված նախնիների ստվերները

1965թ. Կիևի որմնանկարները

1968թ. Նռան գույնը

1969-1989թթ.Խոստովանանք

1969թ.Քնած դեղյակը

1970թ.Իկարոս

1970թ.Ոսկե կտրվածք

1970թ.Ինտերմեցցո

1971թ.Սատանան

1972թ.Սասունցի Դավիթ

1972թ.Արա Գեղեցիկ

1973թ.Հրաշք Օդենսեում

1986թ.Շուշանիկի տանջանքները

1986թ.Արարատ լեռան գանձերը

1989թ. Էտյուդներ Վրուբելի մասին

1990թ. Կարապի լիճը․ բերդ

Նունե Զաքարյան

Այս թեմայով «Ժողովուրդ». Այսօր կորոշեն Հայկ Սարգսյանի ճակատագիրը Վիրավոր իմ Հայաստան, դու դեռ ուղղելու ես քո ողնաշարը Այսօր Հայաստանը նշում է Անկախության օրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն