Գիտնականները կոչ են անում կորոնավիրուսով վարակել կամավորներին՝ պատվաստանյութերի մշակումն արագացնելու համար

Ավելի քան 100 առաջատար գիտնականներ, այդ թվում՝ 15 Նոբելյան դափնեկիրներ, բաց նամակ են գրել՝ կոչ անելով կորոնավիրուսի դեմ պատվաստանյութերի կլինիկական փորձարկումներին մասնակցող կամավորներին ենթարկվել պաթոգենի ազդեցությանը։ Դա զգալիորեն կարագացնի պատվաստանյութի մշակումը, վստահ են գիտնականները:

Medportal-ը պատմում է, որ նամակը հասցեագրված է ԱՄՆ Առողջապահության ազգային ինստիտուտի (NIH) տնօրեն Ֆրենսիս Քոլինզին: Իրենց ուղերձում գիտնականներն ասում են, որ փորձարկումներում, որտեղ կամավորները կենթարկվեն պաթոգենի ազդեցությանը, զգալիորեն կարագացնեն պատվաստանյութերի արդյունավետության եւ անվտանգության հետազոտությունները: Նամակը ստորագրել են նաեւ հետազոտություններին մասնակցող 2000 ​​կամավորներ:

Նամակի հեղինակների խոսքերով՝ ներկա պայմաններում կորոնավիրուսով կամավորների կանխամտածված վարակումը չի խախտում կլինիկական փորձարկումների էթիկան, քանի որ աշխարհի տարբեր երկրներում առկա է հիվանդացության մակարդակի նվազում, եւ գիտական ​​հանրությունը ժամանակ չունի սպասելու, որ կամավորները վարակվեն բնական պայմաններում:

Այս ամենը, ըստ գիտնականների, հատկապես կարեւոր է համավարակի «երկրորդ ալիքի» նախաշեմին, որը կանխատեսում են բազմաթիվ համաճարակաբաններ: Զանգվածային օգտագործման համար պատվաստանյութի օպերատիվ մշակումից օգուտը գերազանցում է հետազոտության այս մեթոդի բոլոր ուղեկցող ռիսկերին:

Գիտնականները հիշեցրել են, որ կամավորների կանխամտածված վարակումը արդեն բազմիցս  օգտագործվել է այլ վտանգավոր վարակների դեմ պայքարում, օրինակ՝ մալարիայի, տիֆի եւ գրիպի դեմ պատվաստանյութեր մշակելիս:

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար