Այսօր լրանում է ժողովրդական արտիստ ԲԱԲԿԵՆ ՆԵՐՍԻՍՅԱՆԻ ծննդյան 103-ամյակը

Այսօր լրանում է ժողովրդական արտիստ ԲԱԲԿԵՆ ՆԵՐՍԻՍՅԱՆԻ ծննդյան 103-ամյակը: Նրա խաղացած շատ և շատ դերեր սիրվելով հանդիսատեսի կողմից փառք և ճանաչում են բերել: Կանցնեն տարիներ, բայց նրա խաղացած Սայաթ-Նովան հավերժ կմնա մեր բոլորի սրտերում:  

Շնորհավոր ծնունդդ , հայ խոսքի մեծագույն վարպետ: 

ԽՍՀՄ ժողովրդական արտիստ Բաբկեն Ներսիսյանը ծնվել է 1917թ. հուլիսի 18-ին Թիֆլիսում։ 1933թ. սկսել է դերասանական գործունեությունը Թիֆլիսի Պատանի հանդիսատեսի հայկական թատրոնից, իսկ 1944-56թթ. որպես դերասան հանդես է եկել Թիֆլիսի Պ. Ադամյանի անվան հայկական դրամատիկական թատրոնում:
1956թ., Վարդան Աճեմյանի հրավերով, տեղափոխվել է Երևան և շարունակել դերասանական գործունեությունը Գ. Սունդուկյանի անվան ազգային ակադեմիական թատրոնում: Խաղացել է բազմաթիվ ներկայացումներում` Գ.Սունդուկյանի «Պեպո» (Պեպո), «Քանդած օջախ» (Օսեփ), Ա.Շիրվանզադեի «Քաոս» (Միքայել), Վ.Սարոյանի «Իմ սիրտը լեռներում է» (Բեն Ալեքսանդր), Ն.Զարյանի «Արա Գեղեցիկ» (Արա Գեղեցիկ), «Արտավազդ և Կլեոպատրա» (Արտավազդ), և այլն:
1957թ. նկարահանվել է հայկական ֆիլմերում` «Սայաթ-Նովա» (1960թ.), «Հյուսիսային ծիածան» (1960թ.), «Սարոյան եղբայրներ» (1968թ.), «Քաոս», «Կամոյի վերջին սխրանքը» (1973թ.) և այլն: Աշոտ Քաջվորյանի հետ գրել է «Աղասի» դրաման (ըստ Խ.Աբովյանի «Վերք Հայաստանի» վեպի), որը 1947թ. բեմադրվել է Թիֆլիսի հայկական թատրոնում: Պարգևատրվել է մի շարք շքանշաններով, մեդալներով: 1961թ. արժանացել է Հայաստանի, 1972թ.` ԽՍՀՄ ժողովրդական արտիստի կոչման: Մահացել է 1986 փետրվարի 14-ին Երևանում:

Նունե Զաքարյան

Այս թեմայով Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան ՀՀ վաստակավոր արտիստ Գայանե Ներսիսյանը կրկին դիմել է դատական համակարգին Հայ ժողովուրդն ամուր կանգնած է Հայոց եկեղեցու թիկունքում․ ՀՀ վաստակավոր արտիստ Բոլորիդ հայտարարագրերը նայել եմ, դուք բոլորդ ոչ թե տարբեր, այլ մեկ բիզնեսից եք եկել. Թունյան