Տեղի կունենան հայ-ռուսական զորավարժություններ

ՀՀ տարածքում տեղի կունենան հայ-ռուսական զորավարժություններ: Այդ մասին այսօր ճեպազրույցում հայտարարել է ռազմական փորձագետ, Տավուշում ստեղծված լրատվական ճգնաժամային կենտրոնի պատասխանատու Արծրուն Հովհաննիսյանը՝ անդրադառնալով այս ընթացքում ՌԴ-ի հարավային եւ արեւմտյան ռազմական շրջանների զորավարժությունների անցկացմանը։

«ՀՀ զինված ուժերը ռուսական զինված ուժերի, մասնավորապես, 102-րդ ռազմաբազայի հետ, ընթացիկ զորավարժությունների ընթացքում ունեն համատեղ միջոցառումներ, ինչպես ՀՀ տարածքում, այնպես էլ այլ զորավարժարաններում», - ասաց Ա.Հովհաննիսյանը` ավելացնելով. «Ռուսաստանը մեծ պետություն է՝ հզոր բանակով եւ հաճախ կարող է իրականացնել նման գործողություններ. չեմ կարող մեկնաբանել դրանց քաղաքական իրադարձությունների կապը։ 102-րդ ռազմաբազայի հետ այս մեծ զորավարժությունների ընթացքում ՀՀ զինված ուժերից կներգրավվեն բավականին մեծ ուժեր, մոտավորապես մեկ գնդին հավասար ուժեր՝ տանկային, հրետանային, մոտոհրաձգային եւ այլն»։

Այն հարցին, թե հայ-ռուսական համատեղ զորախումբը ՀՀ-ի սահմանների վտանգի դեպքում ինչպիսի՞ գործառույթ է կատարելու` Հովհաննիսյանն արձագանքեց. «Հայ-ռուսական համատեղ զորախումբն ունի իր գործողությունների համապատասխան պլանը, ուղղությունը։ ՀՀ զինված ուժերը տվյալ դեպքում ընթացող մարտական գործողությունների ծավալի, բնույթի համար լիովին բավարար են եւ կարող են կատարել իրենց խնդիրները. չկա նման անհրաժեշտություն»։

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Վիրավոր իմ Հայաստան, դու դեռ ուղղելու ես քո ողնաշարը ՇՏԱՊ. 36-ամյա գործարարին մահացած են գտել. Հրապարակ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Մոսկվայի ուղղությամբ այս գիշեր տեղի է ունեցել զանգվածային հարձակում