«Ժողովուրդ»․ ԲՀԿ երիտասարդական թևից արդեն 50 հոգի հրավիրվել է հարցաքննության

«ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում շարունակվում է ԲՀԿ-ի մասով հարցաքննությունների շարքը: Եվ, ահա, «Ժողովուրդ» օրաթերթի տեղեկություններով, ԲՀԿ երիտասարդական թևից արդեն 50 հոգի է հրավիրվել հարցաքննության, սակայն նրանք բոլորը լռել են՝ այդպես էլ որևէ բան չասելով:

Ընդ որում, երիտասարդները Քննչական կոմիտեի կողմից հարցաքննության են հրավիրվում խումբ-խումբ. գրեթե ամեն օր հարցաքննության է հրավիրվում 5-6 երիտասարդ, որոնք, սակայն, բոլորը լռում են: Ինչպես հայտնի է, ՀՀ ԱԱԾ-ն հունիսի 14-ի վաղ առավոտից խուզարկություն էր իրականացրել ԲՀԿ առաջնորդ, պատգամավոր Գագիկ Ծառուկյանի՝ Առինջի առանձնատանը: Ավելի ուշ Ծառուկյանին հրավիրել էին ԱԱԾ՝ հարցաքննության: Հենց այդ պատճառով էլ նրա համակիրները հավաքվել էին ԱԱԾ–ի մոտ, որոնց բերման էին ենթարկել ոստիկանության տարբեր բաժանմունքներ:

Ավելի ուշ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում քրեական գործ է հարուցվել ՀՀ քրեական օրենսգրքի 225.1-րդ հոդվածի 1-ին մասի հատկանիշներով՝ հավաքներ կազմակերպելու համար: Եվ, ահա, չնայած մինչև այժմ քրեական գործով դեռևս ոչ մեկի մեղադրանք չեն առաջադրել, սակայն հարցաքննությունների շարքը դեռ երկար կշարունակվի: Բանն այն է, որ «Ժողովուրդ» օրաթերթի տեղեկություններով՝ Քննչական կոմիտեում բերման ենթարկված մոտ 400 անձանց ցուցակ կա, որոնց բոլորին էլ պետք է հրավիրեն հարցաքննության. դեռ հրավիրվածները 50-ն են»»,-գրում է թերթը:

Նյութն ամբողջությամբ կարդացեք թերթի այսօրվա համարում։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ռուսական գրոհայիններն արդեն փոքր խմբերով մտնում են Դոբրոպոլե. Ուկրաինացի ռազմական թղթակից ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով