Կյանքից հեռացավ հայկական ֆուտբոլի նշանակալից դեմքերից մեկը

Հուլիսի 15-ին կյանքից հեռացավ հայկական ֆուտբոլի նշանակալից դեմքերից մեկը՝ Խորհրդային Հայաստանի վաստակավոր մարզիչ Աշոտ Գուրգենի Սարիբեկյանը:

Նա ծնվել է 1932 թվականին Թբիլիսիում, որտեղ եւ սկսվել է նրա ֆուտբոլային ուղին: Տեղափոխվելով Երեւան՝ 1948-1951 թվականներին սովորել է Մռավյանի անվան դպրոցում: 1953-55թթ. եղել է Իժեւսկ քաղաքի «Զենիթ» ակումբի ֆուտբոլի թիմի կիսապաշտպան: 1955 թվականին, ընդունվելով Երեւանի ֆիզիկական կուլտուրայի եւ սպորտի ինստիտուտ, ներկայացնում է ՖԻՄԱ-յի ֆուտբոլային թիմը, որի կազմում երկու տարի անց դառնում է Խորհրդային Միության ֆիզկուլտ ինստիտուտների ֆուտբոլային առաջնության չեմպիոն:

Ուսումն ավարտելուց հետո 1959 թվականին աշխատանքի է ընդունվում Երեւանի մանկապատանեկան ֆուտբոլի դպրոց՝ նախ որպես մարզիչ, այնուհետեւ՝ դպրոցի ուսմասվար: 1981-1982 թվականներին որպես մարզիչ աշխատանքի է հրավիրվում Երեւանի «Արարատ» թիմ: Իսկ 1982-ին` վերադառնում հարազատ դպրոց, որտեղ եւ աշխատում է մինչեւ 2004 թվականը՝ զբաղեցնելով ուսմասվարի, այնուհետեւ՝ փոխտնօրենի պաշտոններ:

Աշոտ Սարիբեկյանը հայկական եւ համաշխարհային ֆուտբոլին տվել է այնպիսի մարզիկներ, ինչպիսիք են Սուրեն Մարտիրոսյանը, Խորեն Հովհաննիսյանը, Աշոտ Խաչատրյանը, Հունան Պողոսյանը եւ ուրիշներ: Իսկ նրա մարզած Հայաստանի ֆուտբոլի պատանեկան հավաքականը 1984-ին դարձել է Խորհրդային Միության գավաթակիր: Հայկական ֆուտբոլի պատմության էջերում Աշոտ Սարիբեկյանը ունեցել է զգալի ավանդ ու թողել է իր հետքը:

Այս թեմայով Բրյուսելի հայտնի խորհրդանիշ «Մաննեկեն Պիսը» ՀՀ Անկախության օրը ներկայացել է հայկական տարազով Իրանում հանդիսավորությամբ նշվել է Հայաստանի Անկախության տոնը Վիրավոր իմ Հայաստան, դու դեռ ուղղելու ես քո ողնաշարը Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան Այսօր կայանալիք ֆուտբոլային հանդիպումները