1 օրում 5 անգամ ավելի շատ կորոնավիրուսային մահեր ունենք, քան Տավուշում՝ ողջ բախումների ընթացքում․ «կեցցե» Արսեն Թորոսյանը

Գումարած այսօրվա 21 մահը, հայաստանում կորոնավիրուսից մահերի ընդհանուր թիվը հասավ 817-ի: Արդյունքում, 1 միլիոն բնակչի հաշվով ունենք 276 մահ։ Հասկանալու համար, թե դա ինբչ ցուցանիշ է, նշենք միայն, որ այն աշխարհում վատագույնների մեջ 18-րդ ցուցանիշն է։ Ընդ որում, շաբաթվա սկզբներին 19-րդն էինք։

Միաժամանակ, օրակյան 21 մահվան դեպքը հուշում է, որ դեռ ունենք աճի դինամիկա, այսինքն, ՀՀ առողջապահության համակարգն այդպես էլ վարակի սկզբնական փուլի խայտառակ վիճակից չի կարողանում դուրս գալ։ Նկատի ունենք, որ Հայաստանիս ավելի վատ ցուցանիշներ ունեցող երկրներից շատերը հիմնականում մեծ մահացություն են ունեցել սկզբնական փուլում, եւ կողմնորոշվելով, վերջին երկու, անգամ՝ երեք ամիսներին ունեն մահացության ավելացման շատ փոքր դինամիկա։ Իսկ դա նշանակում է, որ Թորոսյան Արսենն ու նրա շեֆ Նիկոլը դեռ վարակի տարածման եւ մահացության նորանոր բարձունքներ են նվաճելու․ բոլոր շանսերն ունեն։

Ինչ վերաբերում է այսօր ներկայացված վարակվածությանը, ապա ներկայացրել են 442 ցուցանիշը։ Բայց ընդգծենք՝ ընդամենը 1702 թեստի արդյունքում։ Հիշեցնենք, մոտ երկու շաբաթ առաջ Արսեն Թորոսյանը պաշտոնապես հայտարարել էր, որ օրական թեստերի քանակը կհասցնեն 3-4 հազարի, իսկ այդ պահին անռվազն 2500 բոլոր հնարավորություններն ունեն։ Սակայն արվել է մոտ 1,7 հազար։ Լավ հասկանում են՝ 2,4-2,5 հազար թեստի դեպքում ստիպված են լինելու օրական 660-670 նոր վարակվածի փաստ ներկայացնել՝ եւս մեկ անգամ հաստատելով, որ իրականում կորոնավիրուսի դեմ որեւէ պայքար, բացի «մենթերին» ժողովչդի դեմ հանելուց եւ տուգանքների տեսքով թալանելուց՝ չի տարվում։

Նկատենք նաեւ, որ սահմանային վերջին բախումներից, ըստ պաշտոնական տվյալների, ունենք 4 զոհ։ Այսինքն, Թորոսյան Արսենի գործունեությունը երկրին մեկ օրում 5 անգամ ավելի մեծ մարդկային վնաս հասցրեց, քան թուրքերը Տավուշում՝ ողջ բախումների ընթացքում։

Ս․Աբրամյան

Այս թեմայով Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Վիրավոր իմ Հայաստան, դու դեռ ուղղելու ես քո ողնաշարը «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար