Միահամուռ ուժերով դիմակայենք մեզ պատած հերթական արհավիրքին. Կոմկուսը համախմբման կոչ է անում

Հայաստանի կոմունիստական կուսակցությունը հայտարարությամբ է հանդես եկել եւ խստորեն դատապարտել Ադրբեջանի կողմից հրահրած հերթական սադրանքը  ՀՀ սահմանի  հյուսիս-արեւելյան հատվածում՝ Տաուշի շրջանում, որն ընդմիջումներով ու պարբերաբար սրմամբ, շարունակվում է արդեն մի քանի օր:  

«Ռազմական գործողությունների ընթացքում թիրախավորվել է նաեւ քաղաքացիական ենթակառուցվածքներն ու բնակչությունը: Թշնամու ներխուժման  բոլոր փորձերը կասեցվել են եւ նա դուրս է  շպրտվել մեր սահմաններից,  տալով  բազմաթիվ  զոհեր: Ցավոք, այդ արկածախնդրության արդյունքում մենք  եւս  ունենք  զոհեր, ինչի  կապակցությամբ ցավակցում ենք մեր հերոս նահատակների  ընտանիքներին:  Իրավիճակի հետագա սրացումը կանխելու նպատակով, Միջազգային հանրությունից պահանջում ենք խստորեն դատապարտել Ադրբեջանի եւ Թուրքիայի սադրիչ պահվածքը, գործադրել անհրաժեշտ գործուն մեխանիզմներ, թույլ չտալու մեր առանց այդ էլ  պայթյունավտանգ տարածաշրջանի վերածումը  ռազմական թատերաբեմի, հագուրդ տալով վերոնշյալ զավթիչների պանթուրքական վաղեմի նկրտումներին: Քաջ գիտակցելով, որ այս ամենը գլոբալիզացիայի, իմպերիալիզմի նեխած հիվանդագին ծրագրերի  դրսեւորումների արդյունքն է, այլ ոչ  թե ժողովուրդների: Այս ամենը փորձ է արվում իրականացնել օրվա խամաճիկ, կամակատար իշխանության կողմից: Ելնելով ստեղծված ծանր իրավիճակից, լինելով պետականամետ ուժ, քաջ գիտակցելով պետության արժեքը, կոչ ենք անում  համախմբվել անկախության տարիների եզակի ձեռքբերում  հանդիսացող հայոց բանակի շուրջը եւ միահամուռ ուժերով դիմակայենք մեզ պատած հերթական արհավիրքին», - ասված է հրապարակված հայտարարությունում: 

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք «Հայրենիք» կուսակցությունը կենդանության նշույլներ է ցույց տալիս ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն