Իշխանության ակնկալիքը ՀԱՊԿ-ից մերժում ստանալն էր. Տեր-Նակալյան

ԱԳ նախարար Զոհրաբ Մնացականյանի եւ ՀԱՊԿ գլխավոր քարտուղար Ստանիսլավ Զաասի հեռախոսազրույցից հետո` Հավաքական անվտանգության պայմանագրի կազմակերպությունը որոշեց արտահերթ նիստ գումարել` հայ-ադրբեջանական սահմանի լարվածության հետ կապված, ապա անորոշ ժամկետով հետաձգեց այն: Եվ միայն երեկ երեկոյան ՀԱՊԿ-ը հայտարարությամբ հանդես եկավ` հավասարության նշաններ դնելով ու Երեւանին եւ Բաքվին կոչ անելով անհապաղ վերականգնել հրադադարը: Իշխանության կողմից ՀԱՊԿ-ի չարդարացված սպասումների մասին «Իրավունքը» պարզեց «Ադեկվատ» միաբանության անդամ ԿՈՆՍՏԱՆՏԻՆ ՏԵՐ-ՆԱԿԱԼՅԱՆԻ տեսակետը:

- Ինչ է, իրենց թվում էր, թե Սերժ Սարգսյանը ՀԱՊԿ-ի տեղը չգիտեր, որ նախկին միջադեպերի ժամամակ չէր փորձում ՀԱՊԿ-ին ներգրավել կամ ՀԱՊԿ-ից զորք բերել, ինչն ունենալու էր հետեւանքներ: Նախ ակնհայտ էր, որ հիմա ՀԱՊԿ-ը ռուսական հինգ դիվիզիա չի մտցնելու ու Դաղստանից Ադրբեջան «կատոկելով» գնա, որովհետեւ ՌԴ-ն միշտ էլ փորձել է ոչ թե Հայաստանին կամ Ադրբեջանին հաղթեցնել, այլ պահպանել է հավասարկշռությունը` որպես ազդեցության գլխավոր լծակ անդրկովկասյան երկու պետությունների նկատմամբ: Հիմա կարող եմ ենթադրել, որ ՀԱՊԿ-ից մերժում ստանալն էր ակնկալիքը եւ եւս մի հաղթաթուղթ ունենալը` հակառուսական տրամադրություններ Հայաստանում հրահրելու համար, թե տեսեք մեր դաշնակիցը իր պարտականությունները չկատարեց, եկեք ռուսական ռազմաբազան Գյումրիից հանենք, մեզ ՆԱՏՕ-ն ու «Անտանտը» կփրկեն: Արդեն մեկ տարուց ավել է, ինչ ասում եմ, որ Նիկոլ Փաշինյանի գենեզիսի շրջանում միայն մեկ օրակարգ կա` ստանալ անվտանգության երաշխիքներ որտեղից հնարավոր է: Ակնհայտ է, որ ՌԴ-ից այն չի լինելու, հետեւաբար միակ հույսը մնում է Արեւմուտքը, որն էլ այդ երաշխիքների դիմաց ունի իր կոնկրետ նախապայմանները` Լանզարոտեի կոնվենցիայի կիրառում, «Հայ եկեղեցու պատմություն» առարկայի դուրս բերում դպրոցական ծրագրից, սեռական փոքրամասնությունների խտրականության քրեականացում, ռուսական ռազմաբազան Հայաստանից հանում, ռուսական ալիքների արգելում: Այնպես չէ, որ Արեւմուտքում էլ ուլեր են նստած, որ Նիկոլի կլորացրած աչքերին ու թարթիչներով խաղացնելուն հավատան, ասում են` գործ ցույց տուր, արդյունք, երբ կկարողանաս, մնացած հարցերը կքննարկենք:

ՀՐԱՆՏ ՍԱՐԱՖՅԱՆ

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Թույլ չտա՛նք, որ զանազան մանիպուլյացիաներով արժեզրկեն մեր անցյալի հաղթանակները․ Սերժ Սարգսյան ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան