Եվս մեկ ապացույց, որ Նիկոլը չի ուզում դադարեցնել համավարակը

Այն, որ Հայաստանում կորոնավիրուսի դեմ իրական պայքար միտումնավոր չտալը ասվել է եւ խոսվել է բազմիցս: Այդտեղ կան ե՛ւ քաղաքական, ե՛ւ այլ տիպի նպատակներ: Ի վերջո, չմոռանանք, որ հենց կորոնավիրուսն է, որ Նիկոլին եւ իր թայֆային փրկեց խայտառակությունից: Նախ այդ պատրվակով Նիկոլը չեղարկեց մարտի 1-ի հանրահավաքը, որտեղ մարդ չէր հավաքվում, եւ ապա չեղարկեց ապրիլյան հանրաքվեն, որտեղ  նա վստահաբար պարտություն կկրեր:

Բազմիցս նաեւ նշվել է, որ կորոնավիրուսի տարածման հիմնական օջախներից մեկն էլ հասարակական տրանսպորտն է, ավելի ճիշտ` այն խայտառակ «Գազելները», որտեղ մարդիկ կիպ-կիպ նստած ստիպված են երթեւեկել: Ժամանակին  ծաղրածուն, այսինքն ` քաղաքապետ Հայկոն ամպագոռգոռ խոստումներ էր տալիս, թե տրանսպորտը կբարելավվի: երկու տարվա մեւ ինչը բարելավվեց: Այսքանից հետո երեւի ծաղրածուն ոչ թե Հայկոն է, այլ նրան ընտրողները, սակայն  սա առանձին խոսակցության  թեմա է: Իսկ ինչ վերաբերվում է տրանսպորտին, ապա Նիկոլը, Ավինյանը ու ծաղրածուն երեքով միասին չեն կարողանում կազմակերպել անգամ տրանսպորտային միջոցների եւ կանգառների ախտահանման աշխատանքները:

Տրանսպորտի հետ կապվածեւս մեկ զավեշտ` սոցիալական գովազդով պարետատունը կոչ է անում  տրանսպորտ նստելիս ունենալ այնպիսի մանր դրամ, որպեսզի ստիպված չլինեն  մանրադրամ հետ ստանալ, ինչպես նաեւ նշում են, թե  դրամի համար պետք է լինի առանձին արկղ: Այսպես հետամնաց վճարայաին համակարգ  չկա  աշխարհի ոչ մի երկրում: Բոլորը վաղուց անցել են  քարտային համակարգերին, սակայն, թեեւ, Նիկոլը խոսում է կոռուպցիայի պայքարի մասին, եւ անկանխիկ դրամաշրջանառության  կոչեր է անում, տրանսպորտում մարդիկ վճարում են  կանխիկ մանրադրամով, որը ոչ ոք ո՛չ հաշվառում է, ո՛չ էլ, բնականաբար, ախտահանում: Կորոնավիրուսային 5 ամիսների ընթացքում վաղուց կարելի էր մտցնել քարտային համակարգը տրանսպորտի վճարման համար: Սա լրջորեն կբարելավեր համավարակի դեմ  միջոցառումների արդյունավետությունը: Սակայն  դա չարվեց, դրա փոխարեն ինչ-որ արկղերի մասին են խոսում, ինչո՞ւ: Հավանաբար այն շրջանակներին, ովքեր փող են գռփում տրանսպորտային համակարգից ձեռնտու չէ, որ հաշվառվեն տրանսպորտում շրջանառվող գումարները: Բացի այդ,  ՀՀ իշխանություններին ձեռնտու չէ պայքարել կորոնավիրուսի դեմ, քանի որ  սա միակ միջոցն է զսպել ժողովրդին հակաիշխանական ցույցերի դուրս գալուց:

Դրա փոխարեն Նիկոլի մտքի թռիչքը ոչ մի կերպ չի անցնում դիմակներից այն կողմ: Բայց դիմակները  տալով շատ ցածր արդյունավետության կորոնավիրուսի դեմ պայքարի մեջ տալիս են բարձր եկամտաբերություն Նիկոլի ծակ բյուջեի համար: Այս կարճ ժամանակահատվածում Նիկոլը հավաքեց 50 մլն դրամ, որպեսզի բաժանի իր ապիկար կառավարության անդամներին ու էլ ավելի ապիկար պատգամավորներին: Բացի այդ,  դիմակ պարտադրելը նպատակ ունի ժողովրդի մեջ անհատականության ու ազատության ոչնչացումը, սոցիալական շփումների սահմանափակումը, ի վերջո, ժողովրդին ոչխարների հոտի վերածելը: Սա այն տեխնալոգիաներից է, որը հայտնի է կառավարման ստոր մեթոդների սիրահարներին:

Հավանաբար ընթերցողները կհարցնեն, թե ինչու չենք տալիս միջազգային առողջապահական մաֆիոզ համակարգերի հետ  առնչություն ունեցող առողջապահության  ոչնչացնող Արսեն Թորոսյանի անունը: Բանն այն է, որ իր  մեր ժողովրդի համար  վնասարար եւ թշնամի լինելը այլեւս հայտնի է ցանկացածին: Ահա  եւս մի ապացույց, որ վերոհիշյալ անձինք միտումնավոր չեն պայքարում կորոնավիրուսի վարակի դեմ, նպատակ ունենալով երկարացնել իրենց ապօրինի, հակաժողովրդական, օտարահպատակ իշխանությունը:

Ա. Հովհաննիսյան

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել