Ռուս գիտնականները կորոնավիրուս չեզոքացնող հակամարմիններ են ստացել

Ռուսաստանի գիտությունների ակադեմիայի մոլեկուլային եւ բջջային կենսաբանության ինստիտուտի իմունոգենետիկայի լաբորատորիայի ռուս գիտնականներին (Նովոսիբիրսկ) հաջողվել է ստանալ կորոնավիրուս չեզոքացնող հակամարմիններ: Կարեւոր զարգացումը հիմք կհանդիսանա հատուկ թերապիայի միջոցների ստեղծման եւ COVID-19 կանխարգելման համար, հայտնել է նոր կորոնավիրուսային վարակի հաղթահարման հարցերով աշխատանքային խմբի պատասխանատու քարտուղար Օլգա Դորոխովան: «Նովոսիբիրսկի գիտական կենտրոնում առաջինը Ռուսաստանում ստացել են COVID-19-ի գործող հակամարմինները։ Դրա համար օգտագործվել են հիվանդ COVID-19 դոնորների արյան նմուշներ եւ եզակի B-լիմֆոցիտների տեսակավորման տեխնոլոգիա։ Ստացված հակամարմինները կարող են արգելափակել վիրուսի եւ ԱՍԵ2 բջջային ընկալիչի (բջջային մեմբրանի մեջ ներկառուցված սպիտակուցի) փոխազդեցությունը եւ, համապատասխանաբար, կանխել դրա ներթափանցումը թիրախ-բջիջների մեջ»,- պատմել է Դորոխովան:

Այժմ գիտնականները կկարողանան շարունակել կորոնավիրուսային վարակի ժամանակ պաշտպանական իմունիտետի առանձնահատկությունների ուսումնասիրությունը, ինչը թույլ կտա կատարելագործել այն պատվաստանյութերը, որոնց վրա աշխատանքը շարունակվում է Ռուսաստանում:

Այս թեմայով Ռամզան Կադիրովը Չեչնիայի ղեկավարի ընտրություններում ստացել է 99,85% ձայն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պարգև Սրբազանն ԱՄՆ ներգաղթի EB-1 կարգի վիզա է ստացել Սիբիրում արթնանում է «քնած հսկան»․ գիտնականները զգուշացնում են գլոբալ վտանգի մասին ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով