Արծրուն Հովհաննիսյան.Եթե հրադադարի պայմանավորվածություն լինի, ԱԳՆ-ն էլ կհայտարարի, ես նման տեղեկություն չունեմ

Ես տեղեկություն չունեմ հրադադարի պայմանավորվածության մասով, բայց լինում է իրավիճակ, երբ գիշերները ակտիվությունն ընկնում է, եթե նման ինֆորմացիա ունենանք, մենք կհայտարարենք, կամ կարող է բրիֆինգներից դուրս ԱԳՆ-ն հայտարարել: Այս մասին բրիֆինգին հայտարարեց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը՝ անդրադառնալով հարցին՝ պայմանավորվածություն կա՞ ադրբեջանական կողմի հետ հրադադարի մասին:

Հովհաննիսյանը հաստատեց, որ «Elbit Hermes 900» թանկարժեք անօդաչու թռչող սարքը խոցվել է հայկական ստորաբաժանումների կողմից:

«Այո՛, «Оса» զենիթահրթիռային համակարգն է, որը տեղում է արդիականացվում։ Մեր ռազմարդյունաբերական համալիրը, ըստ էության, մի քանի տարի առաջ արդեն յուրացրել է «Оса»-ի արդիականացման տեխնոլոգիան։ Ապրիլյան պատերազմի ժամանակ, դրանից առաջ, դրանից հետո ադրբեջանական անօդաչուների խոցման լավագույն գործիքը, կարելի է ասել, «Оса» համալիրներն են», - ասաց Արծրուն Հովհաննիսյանը։

Հարցին՝ արդյոք այս պահին կա՞ կամավորների անհրաժեշտություն, Հովհաննիսյանը նշեց, որ ՀՀ զինված ուժերը մշտական մարտական պատրաստության և մարտական խնդիրների մեջ գտնվող զորամասերով, ստորաբաժանումներով իրենց խնդիրները փայլուն կատարել են, արդյունքները պարզ երևում են և կատարում են: «Կոնֆլիկտի բնույթը, ծավալները այնպիսին չեն, որ ՀՀ-ն դիմի այլ քայլերի, այդ թվում` պահեստազորայինների կամ կամավորների օգնությանը: Մենք վստահ ենք, որ մեր կամավորները պատրաստ են, բայց այս պահին իրենց զավակները, ոմանց թոռները իրենց խնդիրը փայլուն կատարում են»,- շեշտեց նա:

Արծրուն Հովհաննիսյանը նաև անդրադարձավ հակառակորդի կիրառած զինատեսակներին: «Ըստ էության, ադրբեջանական զինված ուժերը, այդ թվում և սահմանապահ ծառայությունը, երրորդ բանակային կորպուսի իրենց սպառազաինության ողջ զինանոցը գրեթե կիրառվել է, բացառությամբ մի քանի միջոցների: Դրանք են բոլոր տրամաչափի, հրաձգային զենքերը, գնդացիրներ, ականանետներ և այլն, տանկեր, հրետանային միջոցներ մինչև 122 և չի բացառվում նաև ավելի մեծ տրամաչափերի»,- ասաց նա:

Հովհաննիսյանը նշեց, որ հարվածային դրոններից առաջին անգամ է կիրառվել իսրայելական «Elbit Hermes 900» ԱԹՍ-ն: Նա հավելեց, որ հայկական ՀՕՊ միջոցները խոցել են մոտ 10 ԱԹՍ, և դրանց մեջ մտնում են ինչպես սովորական հետախուզական, փոքր մարտավարական խնդիր կատարող ԱԹՍ-ները, հարվածային ԱԹՍ-ները, ինչպես նաև նոր նշած թանկարժեք «Hermes-900» ԱԹՍ-ն:

Այս թեմայով Վթարային ջրանջատում կլինի Երևանի Դավթաշեն վարչական շրջանում Նման նշանները վկայո՞ւմ են խոշոր պատերազմի մոտենալու մասին (Տեսանյութ) Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Եթե Թուրքիան օգնի Սաուդյան Արաբիային, մենք կհարվածենք երկաթե բռունցքով». Հուսիթների ներկայացուցիչ